ZEKHARIA 8:12 - Sumi Naga CL (Re-edited) Bible (BSI)

¹² Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.

BAIBEL (BSI)

¹² Panonguno aloino ghi pano xa yisulu nani. Pano wu atsayibono alothi pithi nani, ayeghino axatsuni ipeghipe nani eno tsutsughu kutomo ghu nani. Kukumgha hipaqo kumtsu pesu ishiayeh, khunoqo ghupe puaghi keno tipaqo ino tsu nani.

ZEKHARIA 8:12 Referans Kwoze

ZAKINIU 33:13

Joseph ghenguno pa no pi, “Ampeu no kungugha lo eno ayeghi akuthou lono agho akiviu pesü pa yeghi kümgha tsüe,

BOTHUBO 27:28

Alhou no atsütsü lo tsüzü eno ayeghi lo ghüma kivi, eno athi ngo atsaizü pofushi o tsü peni.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

ZEKHARIA 8:6

Aqokitikhi Mpeu no ishi piani: Tsala ghükulumi itehi akeu hipaqo nhethe lo hi no akümzapu shi aghi aye, I nhethe lo ghi akümzapu shikepu keshea? ipi aqokitikhi Mpeu no asheshu.

HAGAYI 2:19

Ale lo itaghi athi aphi keshea? Mtsüqheino atsaibo, mububo, khaghatubo eno olivebo ye kiumu pithi move ke. Ikemu atsala hipau lono huthu no I no nongu kümghatsü nani.”

HAGAYI 1:10

Tighenguno nongu sholo atsütsü no atsüzü süchilevae, eno ayeghi no pithilu pemovae.

JOYIL 2:22

Msa kevilo, nongu aluza lo tüghashiqo, kughengu yenguyike-a lo achu kümza-a ye xüthilei ani; asübo no pa xathi pithi ani; mububo ngo atsaibo no kupukuno shi pithi ani.

James 3:18

Alashi chekemi no alakishi lono apiti yisü keu lono amikucho ghile hucheni.

1 Kor. 3:21

Ikehu khumu timi pükhüpe qheza kevilo. Kughengu thokha kümtsü nonguw ke,

HOSIYA 14:5

Ni ye Israel lau atsüzü toi nani; pa ye lapu toi puipeghi nani; pa ye Lebanon süboqo toi akuhu qüilo nani;

EZEKEL 36:30

I no asübo lo axathi eno aluza lo tüxatini kupukuno shi ikoishe lupe nani, tishikeu lono nongu ye khilemu shiyeqo gholo püqümiye kukujopu shimo nani.

ISAIAH 61:7

Nongu kukujo theli lo nongu saje ye kini kishetsü nani; küthakügha theli lo panongu ye pano makho jupe alokivi shi nani; tighenguno pano yeghi lo, panongu saje ye kini kishetsü nani; panongu ye pülhapuju alovi nani.

ISAIAH 30:23

Nongu no apiti yisü kelo Ampeu no tsütsüghu puwutsü nani, eno ayeghi lo pekighi no kinikülü eno pofushi achuqupu tsü nani. Tipa ghuloki lo now pichepighi no achu kümza-a kije lo mzachu nani,

BOTHUBO 26:12

Isaac no tipa yeghi lo apiti qüsü eno tipa mpe lo ghile ghuthu aqhe no küghüsü ithulu. Ampeu no pa kümghatsüe,

EZEKEL 36:12

I no timiqo, eno Iw timi Israelmi pelo nongu shouno chewupe nani, nongu ye pano mheghi shive nani, eno nongu tianuli ye khilemu akhüava shipemo nani.

AHOLE 19:12

Akükau loghu ye abongshuu ghügha toi ikemu pa kivi huno atsüni shou atsüzü qipuku ake toike.

LESHELE 72:3

Timiqo ghenguno naghuto pelo kinikülü shi ipeghi pelo, eno atoghi pelo achipiu mikucho xathi pithi pelo

ZAKINIU 33:28

Tighenguno Israel ye sükusho lono xücheni, atsütsü lono atsüzü piqitsü keu, athi ngo atsaizü yeghi lo Jacob ye iqüghai xülu cheni.

ZAKINIU 32:2

I kükütsü no tsütsüghu kighiji toi, I tsapi no atsüzü toi tsüghükhüi pelo, tsütsüghu kümtsha no atsüni kümtsha shou iku ketoi, eno tsütsüghu no ayeghi shou ghupuku ketoi pelo.

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

ACHINE 26:3

“Nongu no Iw pimheye pape eno I zakütsü gholu no tipaqo pelu aye,

LESHELE 85:12

Iyei, kiu no akivi keno Ampeu no tsü nani, eno ningu yeghi lo tipau ikoishe ghile hulu nani.

HOSIYA 13:3

Tighenguno panongu ye inaqhe kimhi toi, momu itheno hauve keu tsüzü toive nani, aniqa lono amuu fupe wuve keu momu alashe lono amchhi phoipeghi ketoi nani.

HAGAYI 2:18

Ishi tsala, muku abidiu aqhi atokuu, hipau lono huthusü chhejulo. Ampeu Chineki boqha ghoke tsala lono chhejulo:

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

EZEKEL 36:9

Kughengu julo, Ni ye nongu ghenguno ani, I no nongu lau tsüghü ighi nani, eno nongu pesü hokide no athi xusü nani.

JOYIL 2:19

Ampeu no Paw timiqo khochile no pi, “Julo, I no nongu lau athi, atsaizü, eno thazü puwu tsü ani, nongu no aghakiqi shilu nani; eno Ni ye nongu pesü shiyeqo zülo atichepu shive pemoae.

ZEFANIA 3:13

Israel lo ghülu keqo ye achipikumo xakütha shimo nani eno akimki tsa pimo nani, momu pano kichi lo pishikiqhi mili ithulumo nani. Panongu no chuno ihozü nani eno khunomu pano kichimo nani.”

MALAKI 3:11

I no nongu züqhushi külhüve chekeu pithe lomipi nani, tishikeu vecheo tino nongu yeghi lo axathiqo kütsavemo nani, eno alu lo nongu tsaiboqo ye pithi ixivemo nani, aqokitikhi Mpeu no pi.