ZEKHARIA 2:5 - Sumi Naga CL (Re-edited) Bible (BSI)

⁵ Eno I no li bothape ami liwo lakhi shive nani, Ampeu no asheshu, I no li gholo ajuküvü shi nani.’”

BAIBEL (BSI)

⁵ AMPEU ampino piqhive keuno aphughi tipau sushope ngo nike pa ampino ami liwo kuptu lakhi shini cheni eno pa kimthe jukuvu lono tilehi pano ngonikeu shiani.”

ZEKHARIA 2:5 Referans Kwoze

ISAIAH 4:5

Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

LESHELE 3:3

Ikemu, O Ampeu, No ye I vehope akeu züto ke, I juküvü, eno I kütsü peqhe kütsüu ke.

ZEKHARIA 9:8

Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

LESHELE 48:3

Liw aliwo dolo Alhou no Pa likhi Pa ye ijekulu aliwo lakhi kepi pephe piyevae.

ISAIAH 33:21

Aghüshi zükilu eno ashuka kije no wumla keu ghoki toi Ampeu no Pa kumto lono ni sasü tile anani.

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

LESHELE 48:12

Zion homxa alachelo, li vehomxa lo, aliwo kihiju lo,

LESHELE 46:5

Alhou ye aphughi lo ani; li ye ithamo nani; kughou inaqhe vüipeghi keno Alhou no li kuphutsü nani.

LESHELE 85:9

Mtsüqheino Paw xakulu ye Pa sümsa chekemi phivilo ani, tishikeu lono ajuküvü ye ningu yeghi lo anani.

LESHELE 125:2

Naghutoqo no Jerusalem bothape aketoi Ampeu no itehi eno alholo Paw timi bothape acheni.

ISAIAH 31:9

Pano sükushou ngo kijemi no msa kelauno amchipu qhive no atuthu küha kuhave nani,” ipi Ampeu, khuu miküqü no Zion lo acheni keno, Jerusalem lo küau no shuphe ani.

ISAIAH 32:18

Iw timiqo no aloino, iqüghai akulhoqhilu keu, sükusho-a lo küghünauve nani.

EZEKEL 38:14

“Tighenguno, timi nu, tungkuptsa Gog vilo pilo, Ampeu Alhou no ishi piani: Tipa tsalani Iw timi Israelmi no sükusho qholono küghüna akelo, no ye ti ithimo nani keshea?

EZEKEL 42:20

Pa no ako bidi mighiju. Tipau lo akuptu homxape ae, akushulau auxakuchho 250, eno akijelau auxakuchho 250 ae, tipau no akimthe ngo balha dolo kothape ae.

ZEKHARIA 2:10

Alephe eno alovilo, O Zion limi, kughengu julo, I no ighi no nongu gholo xü nani, Ampeu no asheshu.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 9:14

Tileno Ampeu no panongu lau ipeghi nani, Pa piji no tsütsüpha toi ighi nani; Ampeu Alhou no afuko küigha nani eno apeu miyitsü lono ighi nani.

JEREMIYA 31:39

Akimghipu kighi ye müzüchoi Gareb toghi kutolo wunani, tileno tsüghüsü Goah tonani.

EZEKEL 47:3

Pa u lo akimghipu süta pesü kipelau ipeche kelo timi huno auxakuchho 500 mighiju, tishino azü lo I sailo kelo alaunhe kuto thoilo ae.

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.