ZEKHARIA 14:4 - Sumi Naga CL (Re-edited) Bible (BSI)

⁴ Tipa tsalani Pa pukhu no Jerusalem kipelau akeu Olive Toghi lo nepe puthugho nani, eno Olive Toghi ye akhila kije lakhino kikije kini shi kipelau kulolau shivetsü nani, tishikeu lono Atoghi tüxa no ahuu iqe iqho eno tüxa no apeu iqe iqive nani.

BAIBEL (BSI)

⁴ Tipa tsalalo pano Jerusalem kipela kudau Oliv Toghilo puthugho nani. Tileno Oliv Toghiye kipelauno kulolau kutolo akhila kije lakhino supho kini shivetsu nani. Atoghi tuxaye ahuu iqeuve nani eno tuxaye apeu iqeuve nani.

ZEKHARIA 14:4 Referans Kwoze

EZEKEL 11:23

Ampeu juküvü no mishighüna lono ikuve no kipelau naghuto akeu lo ngoluve.

ZEKHARIA 14:10

Geba lono Jerusalem apeu Rimmon kutolo ayeghi kuchopu külaqave nani. Ikemu Jerusalem ye Benjamin khagho lono azüu khagho-a, Acheku Khagho kutolo, eno Hananel qoghe lono akükau tsaithi qocheke-a kutolo, chuqumghai pa-a lo anani.

ZEKHARIA 14:7

Ti ye Ampeu likhino ithi akeu akimchi tsala shinani, putho mu pucho mu kumokeu tsala, ikemu avelau no aküvü ighive nani.

ZEKHARIA 4:7

O naghuto kuloghi, no ye kiu kea? Zerubbabel zülo no ye külaqave nani. Pa no ashekhau tuqu pewo gho akelo timiqo no iqhaighu ‘Kimiyekini, Alhouw kimiyekini!’ ipi nani.”

HABAKUK 3:6

Pa no puthugho no ayeghi mighi; Pa no jupuwo no shiyeqo süküthü; tileno alholo naghutoqo ye apanaghave; alholo toghiqo no aqhou iqüilove. Pa laghi ye pülhapuju la ke.

EZEKEL 43:2

Eno julo, Israel Lhou juküvü no kipelau no cheghi. Pa no ighikeu sütsa ye azüghi ghügha toi eno ayeghi ye Pa juküvü no yevüqaive.

Mark 11:23

Kuchou no I no nongu vilo piani, khukhumu atoghi hipau vilo, ‘O likhi o pesü azüghi lo vesüve lo,’ ipi no pa mlo lono lipimo püzü ti ye shikupu nanie pi pülü aye, pa ghenguno ti shitsü nani.

EZEKEL 38:20

Azüghi lo akha, atsütsü lo aghau, aluza lo tüghashi, ayeghi lo itikiche, eno ayeghi lo timi kümtsü I zülo khokhoshi nani. Naghutoqo no ikiqive nani, anhepho no ipaiqive nani, eno aliwo tupi kümtsü ilaqive nani.

ZEKHARIA 14:8

Tipa tsalani aküxüpu zü no Jerusalem lono qoipeghi no tüxa no kipelau züghi lo qoilo nani eno tüxa no kulolau züghi lo qoilo nani. Tipau ye mütsü eno süsü tusho kupuju qowu anani.

SAMUEL AKINIU 15:30

Ikemu David ye apukhu kümsa, akütsü küzüluve no mloqasü Olive Toghi lo iqhove. Eno timi khunoqo pa gholo akeno panongu ghi akütsü küzüluve no mloqasü iqhove.