ZEKHARIA 13:7 - Sumi Naga CL (Re-edited) Bible (BSI)

⁷ “O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

BAIBEL (BSI)

⁷ Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

ZEKHARIA 13:7 Referans Kwoze

Mark 14:27

Jisü no panongu vilo pi, “Nongu kümtsü I qhive no I likhive nani, kughengu ishi yepüani ke, ‘I no ambekheu heqhive nani, eno ambeqo ye apanaghave nani.’

MATTHEW 26:31

Tile Jisü no panoqo vilo pi, “Itiji nongu kümtsü I qhive no pokhave nani. Kughengu ishi yepüani, ‘I no ambekheu ghiqhive nani, eno ambe loji ye apanaghave nani.’

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

John 16:32

Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.

Mark 14:50

Tileno akhopemi lakhikhi no pa qhive no kümtsü pokhave.

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

ZEKHARIA 11:7

Tighenguno ambe küqhümi no ambeloji ghiqhini ye akeqo lau I no akheu shiluve. Eno I no aküsü kini ikhiluve, lakhi je no Qhuivülai keu kuvetsü eno lakhiu je no Küqhakulu kuvetsü. Eno I no ambe jukuto luve.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

JEREMIYA 47:6

Ah, Ampeu zütakikihi! No ye ado khitohi thiuno inaqhoive nani kea? O bohu lo ilovelo; inaqhoi shino akulhoqhi lo!

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

John 10:30

Ni eno Apu ye lakhie.”

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

ZEKHARIA 11:4

Ikehu Ampeu I Lhou no pi: “Ambe loji ghiqhini ye akeqo lau ambekheu shilo.

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

John 16:15

Apu no akeu kümtsü Iw, tighenguno Aghungu no kiu Iw keno tipau pesü nongu vilo pi nani ipi I no pike.”

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 14:1

“Nongu mlo kütakihi kevilo. Alhou pülülo; Ni ghi pülülo.

John 10:38

ikemu I no tipaqo shiaghi aye, nongu no I pülümo namu I kümla pülülo, tishianguno Apu no I lolo ani eno I no Apu lau ani kepi nongu no ithi eno vethalu nani.”

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

John 5:23

tishianguno Apu gihu ketoi kümtsü no Anu gihu peniye ke. Khunono Anu gihu moni keno, pa puwu keu Apu hu gihu movae.

MATTHEW 10:42

Khuu no I khopemie pikeu je lono azü kumko ajukhu lakhi pesü hipaqo gholo aghulou piyeni keno, kuchou no I no nongu vilo piani, pa ye kiu gholau nomu asaxü pühave monani.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

EZEKEL 21:28

“Timi nu, no ye tungkuptsa pilo, Ampeu Alhou no Ammonmi ghenguno eno panow küthakügha ghenguno ishi piani pilo; Azütakikihi, azütakikihi ye ghiqhini ke ghenguno süjophevae. Ti ye ghiqhini ke ghenguno ilomphui shipe ani eno tsütsüpha kukulo toi kulo ani,

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

LESHELE 2:2

Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

FILIPIAMI 2:6

pa ye Alhou lhoaye xapu apülaghi Alhou qhemi shimasa keu shi kihimoe,

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

Luke 17:2

Pa vecheo hi kititiqo lakhi nomu küpxave aye pa ghengu ye athi kütsüghü tuqu pesü pa kuo lo tshüqhi pipe püzü azüghi lo vesüvepe keu pavie.

Luke 12:32

“Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

MATTHEW 26:56

Ikemu tungkupmi no Kuchoyesü lo yepüa keu shikupu niye hi kümtsü shi ani.” Tileno akhopemi kümtsü no pa qhive no pove.

MATTHEW 18:14

Ikehu I Pu kungugha lo akeu pulou ye hi kititiqo gholo lakhi mu pühave penishi moe.

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

ZEKHARIA 11:11

Ikehu puloshoqhi ye tipa tsala lono hexave, eno ambe küqhümi, khunoqo I ju akeno, tipaqo no hi ye Ampeu tsa kepi ithive.

ISAIAH 27:1

Tipa ghuloki lo Ampeu no Pa zütakikihi kütsügha, akuloghi eno mtotoi keu pesü hechije chekeu, itikiche pighi, Leviathan ghime eno ti azüghi lo achekeu ghawu ghiqhive nani.

ISAIAH 1:25

I no nongu shou I u ghapukuni eno nongu baghu kümtsü ayi ghukimthe keshi pitive tsüni.

EZEKEL 7:6

Kishekha ye ighivae.

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.