ZEKHARIA 13:2 - Sumi Naga CL (Re-edited) Bible (BSI)

² “Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

BAIBEL (BSI)

² “Tipa tsalalo ino aghakhu lono ajulho shisukeu aje akeqo ikhivetsu nani eno khiumu tipau kumsuchile kithemove nani. Ino aghakhu lono tungkupmi lakhi kepi cheghikemi ikhive nani eno ajulho mlla nishi keu nguagha ikhivetsu nani.

ZEKHARIA 13:2 Referans Kwoze

KUKAMI ATUGHIU 22:22

Ampeu no pa vilo pi, ‘Kishi no shini kea?’ Aghawu no pi, ‘I no wuno paw tungkupmi kümtsü kichi lo akimki ghungu süve tsüni.’ Pa no pi, ‘No ye pa züiza no tolu nani ke wulo.’

HOSIYA 2:17

Kughengu I no Baalqo je li kichi lono ikhive tsü nani eno tipaqo je kümsüchilelu pemove nani.

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

EZEKEL 30:13

“Ampeu Alhou no ishi piani: “I no ajulhoqo kütsave nani eno Memphis julhoqo kishekhave tsü nani; Egypt yeghi lo kükapuu kühave nani; ikehu I no Egypt yeghi lo akümsa süve tsü nani.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Luke 11:20

Ikemu Alhou no au chhosü keu vecheo I no tüghami haphe aye, Alhou yekipe ye nongu lau ighivae.

MATTHEW 12:43

“Kughou mithekumo tüghaküsa no timi launo ipeveni keno, tino azü kühake-a lo itsü ngokepu-a phuwu cheni, ikemu ti phumlave.

ZEFANIA 2:11

Ampeu no panoqo shou aküighüpu süghi nani; kughengu Pa no ayeghi lo lhouqo akhü no pithive nani, eno shiye kümtsü pütüta-a lono, Pa zülo qhoqhü itsaqi nani.

MICAH 2:11

Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

EZEKEL 37:23

Panongu ye pano julhoqo eno aphikümqhüpu thimeqo momu pano kipimi pesü pano shikitiqe move nani. Ikemu panongu no athiu idewove keu xine lono I no panoqo xalu nani, eno shikimtheve nani; panongu no Iw timi shive nani eno I no pano Lhou shive nani.

EZEKEL 14:9

Tsala tungkupu pishiqhive no atsa pi aye, Ni Ampeu no tungkupu tipau pishiqhive ake, eno I no I pa lachile I u peqhe no Iw timi Israelmi launo pa kütsave nani.

EZEKEL 13:23

nongu ye kichile kungunhetsü momu saqhisali shimo nani. I no nongu u lono Iw timi xaluve nani. Eno Ni ye Ampeu kepi nongu no ithi nani.”

JEREMIYA 29:23

kughengu panongu no Israel lo kixikila thime mlae, panongu no pano kisüghümi nipuqo sazüe, tishino I no azah tsümo keghi I je lono akimki tsa piani. I no ithi ani, eno I no thopi ke, ipi Ampeu no sheshu.’”

ISAIAH 2:20

Tipani timiqo no pano sala mlakeu ghükayi ngo ameshoyi julho kümllaqo ikhipe jichukili ngo ashuqhaqo kungo-a lo peve nani,

ISAIAH 2:18

Ajulho kümtsü kishekhave nani.

LESHELE 16:4

Khunono alhou kütau pape cheni keno amlo ghime küghüsü nani; ni ye panow ajih kümllagho leqhi tsümo momu pano je pesü I kichi lo pimo nani.

JOSHUA 23:7

tishianguno nongu gholo shiye xüküqha akeqo sasü kitekungo monani, eno pano lhou je kumo nani, momu pano lhou vecheo tushoqhi monani, momu pano lhou huthumo nani, momu pishiqho mllamo nani.

ZAKINIU 12:3

Pano kiptiaqo tulaqhive tsülo eno atsükucho ngo Asherim julho kubove no pitive tsülo. Pano lhou julhoqo micheve tsülo eno a-a tipau lono panongu je pühave tsülo.

IPEKULU 22:13

Tsala tüghashi no tsüqhive aghi aye, pa ye thopi shi ghi ti süghini. Pa ye kiu tsüqhive keno tipau theli lo lochile moni.

Piyeküsü 18:2

Pa no asütsa kuloghi lono ighamku pi, “Ikiqivae, Babylon akijeu huye ikiqivae! Li ye tüghami kungo-a, mithekumo ghawu, mithekumo ghau, mithekumo eno aphikümqhüpu tüghashi jeli kümtsü kicheqho-a shivae.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

EZEKEL 6:6

Nongu no khile khilemu küghüna keu mishighünaqo ye shipüsave nani eno qhemghaike-aqo ye kütsave nani, ikehu nongu kümlla khacheqo ye shipüsa eno kütsave nani, no julhoqo ye kubove eno kütsave nani, now axokütsüngü kiptia hephove nani eno nongu kümlaqo shipühave nani.

EZEKEL 12:24

Kughengu Israel lagha lo kichile kungunhetsü momu tungkuptsa ala phasü piche keu kühave nani.

EZEKEL 36:29

I no now mithekumo lono nongu xalu nani. I no ashothi kupukuno shi nongu tsü nani eno püqümiye kiumu nongu shou bemo nani.

ZAKINIU 18:20

Ikemu tungkupmi khuu no I zakütsü lono kumono I je lono pini momu alhou kütauqo je lono pini keno pa ye thinani.

EZEKEL 43:7

Pa no pi, “Timi nu, hi ye I kükalakhü-a eno I pukhu kinepu-a, hileno I no Israelmi gholo alhokupuju ache nani. Eno Israel kibolomi ye panongu na pano kükami namu panow kütüqha keu ngo qhemghaike-a lo panow kükami sükumo vecheo I je kimthe shikitiqe kithe moae.

HOSIYA 2:19

Eno I no pülhapuju ghenguno no inisüve nani. I no achipiu mikucho eno kuchou xakütha, iqemokeu kikimiye eno küpükini lono no inisü nani.