ZEKHARIA 12:4 - Sumi Naga CL (Re-edited) Bible (BSI)

⁴ Tipani, Ampeu no asheshu, I no khurshi kümtsü kichimamaive peno ti sakichemi pelo izüvuive penani. Ikemu I no ashiayeqow khurshi nhethi kighicheve tsüno Judah lagha ghenguno I nhethi tsükhope anani.

BAIBEL (BSI)

⁴ Tipa tsalalo, ino panoqo wu khurshi shikichi nani eno tipaqo shou ikuno chekemiqoye izuphokicheive nani. Ino Juda lo akemi shou kheluve nani ikemu aghumiqo wu khurshi nhethi kighicheve tsu nani.

ZEKHARIA 12:4 Referans Kwoze

ZEKHARIA 12:3

Tipa tsalani I no ashiaye kümtsü ghenguno Jerusalem pesü atu kimshi toi shitsü nani. Mtsüqheino ti peqheju kemi kümtsü no izave nani. Ayeghiqha lo shiye kümtsü no hekütsü pe tipau mjochile nani.

ZAKINIU 28:28

Ampeu no nongu shiküghüzüve nani, anhethi kighicheve tsü eno kübangü keu nongu shou pukutsü nani.

ZEKHARIA 12:6

“Tipa tsalani I no ami kuchughei hipe asü dolo sükeshi Judah laghami pesü aghijini pholo akulu küqüsü nani. Eno panongu no hokümxa lo ashiaye ajeu ngo piyiu akeqo kümtsü kütsave no Jerusalem ye itaghi tipa-a lo küghünauve nani.”

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

ZEKHARIA 14:15

Püsa lakhi no khurshi, khurgha, sayeshi, khurha, eno kiukiu lhoxü mu hupaqo ghazü lo akeqo kümtsü shou ikughive nani.

ZEKHARIA 12:11

Tipa tsalani Jerusalem lo akumlo ye Megiddo lo Hadad-rimmon ghenguno mloqa ketoi nani.

ZEKHARIA 10:5

Panongu ye aghüshi lo aghütomi toi nani, alaghila lo aniba lono aghümi nedaqhi nani; Ampeu no pano gholo ani kehu panongu no aghü shino khurghüshimi shikukujo nani.

ZEKHARIA 9:8

Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

EZEKEL 39:20

I ghulhu lüpa lo nongu no khurshi, khurkulu küsami, aghütomi eno ghüshimi jeli kümtsü sasü aghakiqi shi chunani,’ ipi Ampeu Alhou no asheshu.

EZEKEL 38:4

I no o tutsüghüve nani eno o mükhü lo ayikuho süvetsü nani, no eno ow ghüshimi, khurshi ngo khurshimi, aqokitikhi kije, aghünanu qhoi xapusü azüto kije-kitila eno azütakikihi xapu akemi kümtsü I no sünhe saipeghi nani.

JEREMIYA 24:6

Akivipu ghenguno I nhethi no panoqo shou anani, eno ayeghi hipau lo panoqo sachile saghi nani. Ni ye panoqo xaleqhive mono shiqhe nani, panoqo nhüvemo no shosü nani.

ISAIAH 37:17

O kini kughope ini tsülo O Ampeu; O nhethi tsükhope ju tsülo O Ampeu; eno Sennacherib no aküxüküa Lhou thogha nike atsa khikhi pi puwu ani keno, kümtsü ini tsülo.

ISAIAH 24:21

Tipa ghuloki lo Ampeu no atsütsü lo aqokitikhi eno ayeghi lo kükami kümtsü ghime nani.

NEHEMIA 1:6

O qeu no akighini shi akeu chilutsü penike, O kini kughope tsaqüi inilo eno o nhethi tsükhope ngo tsülo, kughengu I no O lau putho pucho O qemi Israelmi ghenguno inikhu ani. Eno I no piphe anike ningu Israelmi no pimivae eno O zülo axine shivae. Ni ampi eno I puasüqo ghi axine shivae.

YEKIKITHI AKINIU 7:15

Itehi ye I nhethi tsükho niae eno I kini no kughope aki hipau lono inikhu keu ini tsüni.

YEKIKITHI AKINIU 6:40

O I Lhou, itehi O nhethi tsükho no O kini kughope aki hipau lono inikhu keu ini tsülo.

YEKIKITHI AKINIU 6:20

O nhethi no putho pucho aki hipau lo jupuku tsüalo, a-a hipau ye Nono, ‘I je tile anani,’ ipi püakeu shilu pelo, tishianguno o qeu no a-a hipau küdau jupuwo inikhu kelo Nono chilutsü nani.

KUKAMI AKINIU 6:18

Kughou Syriami no pa lethu keno, Elisha no Ampeu vilo inikhu, “Kimiyeno timi hipaqo nhethi kighicheve tsülo.” Ikehu Elisha kighini kiqi lono Ampeu no pano nhethi kighicheve tsü.

KUKAMI AKINIU 6:14

Ikehu pa no ghüshimi kutomo gholo khurshi ngo khurkuluqo puwu no tipaqo no putho lono mishighüna boluve.

KUKAMI ATUGHIU 8:29

O nhethi no putho pucho aki hipau lo jupuku tsülo, a-a hipau ye Nono, ‘I je ye tilehi anani,’ ipi kehu o qeu no a-a hipau küdau juno inikhu kelo chilu tsülo.

ZEKHARIA 12:5

Tileno Judah laghami no ishi pikile nani, ‘Jerusalem lo küamiqo ye aqokitikhi Mpeu, panongu Lhou vecheo aküka anie.’”