ZEKHARIA 10:4 - Sumi Naga CL (Re-edited) Bible (BSI)

⁴ Atsükucho, aphiki kufuyi, aghüshi piji, yepemi kümtsü kümtsa Pa launo ipeghi nani.

BAIBEL (BSI)

⁴ Panoqo gholono iwu timiqo jukutsu nike ayehkipemi, sakiphemi eno azah kutsumi ipeghi nani.

ZEKHARIA 10:4 Referans Kwoze

ZEKHARIA 9:10

I no Ephraim launo khurkulu eno Jerusalem launo aghükishi khurshi ikhive nani; aghüshi shexilika ikhive nani, eno pa no shiyeqo lau külakishi tsa pi nani; pa yekipe no azüghi lono azüghi kutolo eno Aghoki lono ayeghi shekha kutolo shinani.

ZEKHARIA 9:8

Tishino I no aghukhemi toi I kilo ngokhe luve nani, tishianguno khunomu ipe-ilomo; nedaqoda kemi khunomu pano qhasü ighi kithemo nani, kughengu itehi ye I nhethi ampi no ithuluvae.

AKIKIHI 24:17

ni ye Pa ithulu kemu itehi ye ithumlavae, I no Pa ju kemu aphivilo kühavae. Jacob launo ayepu lakhi ipeghi nani, Israel lono kükaküsü ipeghi nani; Pa no Moab kishe hephovetsü eno Sheth nuli kümtsü kütsave nani.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

2 Tim. 2:4

Ghüshimi khumu aqoaho küxü lo xukütshü chemoe, kughengu pa kimji ye pa kishesü keu pulou shinikeu ke.

MATTHEW 9:38

tighenguno ghile mpeu pelo ajumi ghape paw ghile lo puhutsü penike qhüiniju inikhu lo.”

JEREMIYA 1:18

Julo, I no ishi no o pesü ayeghi kümtsü mjochile kepu, Judah kükamiqo, tile kijemi, achinemi, eno ayeghi lo timiqo mjochile kepu aliwo kumto phughi shitsüni, ayi no shikeu tsükucho, alazayi tupiqo shitsüni.

ISAIAH 54:16

Julo I no ayikiyiqimi lhopheve ake, panoqo no ami shipüzü, avehupu ghenguno aghünanu iqiphe nani. I no kütsakungove chekeu hu ghi lhopheve ake.

ISAIAH 49:2

Pa no I kichi pesü azütakikihi kütsügha toi shitsü; Pa u kicheqho lo I küsüpe qhi; Pa no I küghape apiji phuphushi keu toi qhike; Pa pijibo lo I küghütshü ke.

ISAIAH 19:13

Zoan yepemi ye aghüzü shivae, Memphis tomi ye pishiqhivae; khunoqo no Egyptmi ghütsüghi shi ani keno tipaqo no li sabidevae.

LESHELE 118:22

Aki kishimi no atu kileve keu huno kümtsü nguno atsükupuu shive.

EZRA 9:8

Ikemu ningu lau ghükulumi qhitsüni ye eno ningu pelo Pa kimthe-a lo ijelu peniye itehi ado hami ghenguno Ampeu ni Lhou no kimiyeqhiyi keu pephe piyevae, tishianguno ni Lhou no ni gi yepüvü tsü eno aqü-axe lono ningu ghüthi püxü tsüniye ke.

SAMUEL ATUGHIU 14:38

Saul no pi, “Nongu sakiphemi kümtsü hilau ighilo, eno ishi hipau xine kishi ipeghive akeno ithilo.

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

Luke 20:17

Ikemu pa no tsaqüi panongu gi lo jupuku no pi, “Imaye hitoi yepüa keu ye kiu kea?: “‘Aki kishimi no atu kileqhive keu no atsüghi tuqu shivae.’

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”

JEREMIYA 51:20

“No ye I yihesü eno I ghünanu, o pesü I no shiyeqo hepho cheni; kükaqhaqo kütsakungo cheni;

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’