ZEKHARIA 10:1 - Sumi Naga CL (Re-edited) Bible (BSI)

¹ Tsülü tusho lo Ampeu vilo tsütsüghu khulo, Pasapagha puwu chekeu ye Ampeu no ke, Pa no timiqo tsütsüghu tsü nani, aluza lo atsüni pesü kümtsü tsü.

BAIBEL (BSI)

¹ Ghixu tusho lono AMPEU vilo tsutsughu khulo. AMPEU no tsutsughu eno khungkusu puwutsu cheni eno kumtsu ghenguno aghasalo atsuni mini ipeghipe cheni.

ZEKHARIA 10:1 Referans Kwoze

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

James 5:7

Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

EZEKEL 36:37

“Ampeu Alhou no ishi piani: I no Israel kibolomi ghenguno shitsüni ke pano pelo ambeloji toi panow timiqo kughukotsü penike hi ghi I vilo khupe nani.

ISAIAH 30:23

Nongu no apiti yisü kelo Ampeu no tsütsüghu puwutsü nani, eno ayeghi lo pekighi no kinikülü eno pofushi achuqupu tsü nani. Tipa ghuloki lo now pichepighi no achu kümza-a kije lo mzachu nani,

LESHELE 65:9

Nono ayeghi xuju no ghuqhitsü; Nono tile küakini kughuko tsü; Alhou ghoki ye azü no chhitoi ani; Nono athi pesü panoqo tsü, kughengu Nono tishi kuto tsüe.

ZAKINIU 28:23

Nongu shou atsütsü no alazayi toive, eno nongu qhou ayeghi no ayi toive nani.

John 16:23

Tipa tsala lo nongu ye I vilo kiumu khumo nani. Kuchou no I no nongu vilo piani, nongu no I je lono Apu vilo kiu kiumu khu kelo Pa no nongu tsü nani.

MICAH 5:7

Tishino Jacobw ghükulumi ye Ampeu tsüzü toi, atsüni shou tsüghuqhi ketoi, ashiaye kutomo dolo anani ti ye timi ghenguno munuve chemo momu timi nuliqo ngokhe chemoe.

AMUS 4:7

“Kughou ghile hunike aqhi küthü akeno I no nongu launo tsütsüghu ghi süchileve; I no mishighüna lakhi lo tsütsüghu puwu kemu lakhiu loye puwumo; alu lakhi loye tsüghuqhi tsü ikemu alu khile tsüghuqhi mo keno ti ye ighüive;

HOSIYA 10:12

Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.

EZEKEL 34:26

I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

JEREMIYA 10:13

Pa tsa lono atsütsü lo azü no mqhumza ighae, Pa no ayeghi shekha lono khüngküsü ipeghipe. Pa no tsütsüghu ghenguno tsütsüpha kulo, eno Paw pekükütsü ki lono amülhü saipeghi cheni.

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

AHOLE 16:15

Akükau gi küvü lo aküxüpu ani, pa mlokiqipu shilu keu ye tixilo tsütsüghu süghi chekeu khüngküsü toike.

LESHELE 104:13

O kungo-a chuqumghaike lono Nono naghutoqo shou ghuqhi tsüe; ayeghi no Nono mlakeu xathi vecheo aghapiqi lue.

JEREMIYA 51:16

Pa no atsa pi aye, atsütsü lo azü no mqhu ipeghi cheni, Pa no ayeghi shekha no atsüzü ipeghipe cheni. Pa no tsütsüghu ghenguno tsütsüpha mla cheni; Pa no hekütsü püakeu ki lono amülhü süghi cheni.

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

1 Kor. 3:6

I no abo shosü, Apollos no azü pusü, ikemu Alhou no thuwulu peke.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

LESHELE 72:6

Pa pelo atsüni kümtsha lo tsütsüghu ghuqhi aketoi eno ayeghi shou ghuqhi aketoi pelo!

JOB 29:23

Tsütsüghu khe akeshi panongu no I khelho eno ghixu tsütsüghu mighelu keshi ni ikhilu cheke.

LESHELE 135:7

Pa no khüngküsü pelo ayeghi shekhau no ikughipe cheni, Pa no tsütsüpha mlake, eno amülhübo lhaphe cheni.

JEREMIYA 5:24

Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’