ZEKHARIA 1:3 - Sumi Naga CL (Re-edited) Bible (BSI)

³ Tighenguno panoqo vilo pilo, aqokitikhi Mpeu no shuphe: I lau ideighilo, aqokitikhi Mpeu no piani, eno I no nongu lau ideighini.

BAIBEL (BSI)

³ ikemu itehiye ino nongu vilo piani, Ilau ideighivelo nighi nongu lau ide ighinike.

ZEKHARIA 1:3 Referans Kwoze

MALAKI 3:7

Nongu puasüqo ghuloki lono nongu ye I yezah lono tsüghüve eno tipaqo pemove. I lau ideighilo, eno I no nongu lau ideighini, aqokitikhi Mpeu no pi. Ikemu nongu no pi, ‘Ningu ye kishi ideighini kea?’

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

JEREMIYA 12:15

Panongu nhüve kethiu I no itaghi panongu shou kimiyeqhiyi nani, eno I no itaghi pütüta mheghi yeghi lo saghi nani.

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

HOSIYA 14:4

Panongu no pheve keu küpülü I no shipivi tsü nani; I no kümsano kimiye nani, kughengu panoqo launo I mlokighide iqüve ake.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 25:5

eno pi, ‘Itehi nongu pütüta laghi eno akümla lhoksa lono tsüghü ighilo, eno Ampeu no khaghi no alholo ghenguno nongu eno no puasüqo tsükeu yeghi lo xülulo.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

NEHEMIA 9:28

Ikemu kughou akulho qhilu keno panongu no itaghi axine shikithe, eno Nono pano ghümi pelo itaghi pano leluvepe. Ikeghi panongu no xaide ighi no O lau ighamku kelo, Nono kungugha lono chilu tsüke. Ghuthu kutomo Nono panoqo xaphe.

YEKIKITHI AKINIU 15:4

Ikemu kughou panow shiluküsa lono panongu no Ampeu Israel Lhou lau ideighi no Pa phu keno, panongu no Pa phulue.

JOB 22:23

Nono Akughushuu lau ideighi aye o chukhepuku nani; o ki lono kuchokumo ikhive aye,

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

JEREMIYA 3:1

“Milakhi no pa nipu pheve no li no kütami nipu shive aye pa ye li lau idewulu nani keshea? Ayeghi tipau ye kümzapu shi shipuqove nanike kumo? No ye alojipumi kutomo sasü kütüqhave eno I lau ideighini keshea? Ampeu no asheshu.

EZEKEL 18:19

“Ikeghi nongu no pi, ‘Anu ye kushiye apu kipimi ghenguno aghime shimoni kea?’ Kughou anu no kiu achipi eno kuchou keno shi aye, eno I yezah kümtsü kutokupui pape aye, pa ye mtsüqheino xü nani.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

EZEKEL 18:32

Kughengu Ni ye khuu kithi lomu aloqilu chemoe ipi Ampeu Alhou no asheshu; ikehu tsüghü ighilo eno xülulo.”