ZEKHARIA 1:16 - Sumi Naga CL (Re-edited) Bible (BSI)

¹⁶ Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

BAIBEL (BSI)

¹⁶ Tighenguno niye aphughi shou kimiyeqhiyi nike Jerusalem lo ideighi ani. Ichinekiye shikitheve nani eno aphughiye shikithe pukuve nani.”

ZEKHARIA 1:16 Referans Kwoze

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

ZEKHARIA 4:9

“Zerubbabel u no aki hipau aboqha qhavae; pa u no itaghi hipau kishekha nani. Tileno aqokitikhi Mpeu no nongu lau I puwu kepi nongu no ithi nani.

EZEKEL 47:3

Pa u lo akimghipu süta pesü kipelau ipeche kelo timi huno auxakuchho 500 mighiju, tishino azü lo I sailo kelo alaunhe kuto thoilo ae.

EZEKEL 40:3

Kughou Pa no I saighi keno, julo, timi lakhi aju ye alazayi toi eno phepheike phi kipili ngo akimghipu süta pesü ipeghi. Pa ye khagho kulaghi lo puthugho ae.

JOB 38:5

No ye mtsüqheino ithi masae, khuu no akimghipu pesü ayeghi mighiju, momu khipahi shinie pi xatha kea?

HAGAYI 1:14

Tileno Ampeu no Judahw Angh Shealtiel nu Zerubbabel ngo Jehozadak nu achinetou Joshua, eno ghükulumi ghungu xukuthove tsü. Eno panongu no ighi no panongu Lhou, aqokitikhi Mpeu ki mlathuve,

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

ISAIAH 34:11

Alhuqu eno achequ-a shive nani, aqhaqho ngo agha no tile anani. Alhou no akijelau akiqhelau ayeghi tipau mighipe kümsa qhive nani.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ZEKHARIA 2:4

eno pa vilo pi, “Powu no lhothemi hupau vilo pilo, ‘Jerusalem ye aliwo küha keu phuqo toi küghüna nani, kughengu timi ngo pichepighi no shishe ikowoni cheni.

ZEKHARIA 10:6

“I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.

JEREMIYA 30:18

“Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

ZEKHARIA 2:5

Eno I no li bothape ami liwo lakhi shive nani, Ampeu no asheshu, I no li gholo ajuküvü shi nani.’”

ZEKHARIA 2:6

Ithulo! Ithulo! Ahuu yeghi lono povelo, Ampeu no asheshu. Kughengu I no atsütsü lo ako bidi mülhü toi nongu apanagha haleve ke, Ampeu no asheshu.