ZEFANIA 1:7 - Sumi Naga CL (Re-edited) Bible (BSI)

⁷ Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

BAIBEL (BSI)

⁷ AMPEU tsalaye kupunuvae; tighenguno pa zulo inaqhoi shivelo! AMPEU ye aghashi mllakeu lakhi toi pawu timiqo ghiqhi nike kutope ani.

ZEFANIA 1:7 Referans Kwoze

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

ZEKHARIA 2:13

Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

ZEFANIA 1:14

Ampeu tsala kije ye kupunuvae, punukhoi eno pai cheae; Ampeu tsala sütsa ye kukhukimji ke; tile akumtomi huno igha qae.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

ISAIAH 34:6

Ampeu zütakikihi ye ambe ngo ane ji eno anetsü michilothi lo atha akeu no küzülu khavae. Ti ye Pa no Bozrah lo aghashi keu, Edom lo zaghishi kütsake lonoe.

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

MATTHEW 22:4

Itaghi pa no aqemi kütami puwu no pi, ‘Kuküsümi vilo pilo, “Ni ye I ghulhu kutope qhivae, athakupu mishitsü ngo amshiti heqhi no qhoi kutope ani. Külakupu ghulhu lo ighilo.”’

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

SAMUEL ATUGHIU 16:5

Pa no pi, “Külakishi lono Ampeu lau aghakishi tsüniye ighi ani. Nongu ampi kishekimthe lo, eno I gholo aghakishi lo ighilo.” Pa no Jesse ngo pa nuliqo kishekimthe no aghakishi lo kusü.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

AMUS 6:10

Eno kughou akithiu limi no akumo nuve no shiqhove tsünike ighini keno, pa no aki lono akumo peipeghi no aki alou lo akeu vilo iniju nani, “O gholo khuana aphi keshea?” Pa no pi nani, “Moe”; tileno pa no pi nani, “Inaqhoive lo! Ningu ye Ampeu je kukepu kumoe.”

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

EZEKEL 7:10

“Atsala hu julo! Julo, ti ye ighivae! Nongu kütsakungo keu tsala ighivae; aqheküsü ye puipeghivae; aqheküza ye mini ipeghivae.

EZEKEL 7:7

Nonguw kishekha ye nongu lau ighivae, O ayeghi lo küxümiqo. Ado ye ighivae; atsala ye kupunuvae, mbumghu keu tsala kethono naghutoqo shou no alokivi shi igha keu tsala kumoe.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

FILIPIAMI 4:5

Timi kümtsü no o kümtsha ghili ithi pelo. Ampeu ye aphivilo ani;

Rommi 9:20

Ikemu o timio, no ye khuue pi Alhou ghechile luni kea? Ayeghi li lakhi ye tipa kiyiqiu vilo, “No ye kushiye hitoi I kughuphe kea?” ipilu nanio?

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

SAMUEL ATUGHIU 20:26

Ikeghi tipani Saul ye kiumu pimove, kughengu pa no kümsü, “Pa lau kiuala shivae. Pa ye mithe movae; mtsüqheino mithe amoe.”

JOB 24:1

“Kushiye Akughushuu ye küghakütha tsala kuto chemo eno kushiye Pa ithi kemi ye khilemu Pa tsala ithulu chemo kea?

ISAIAH 13:3

Ni ampi no Iw kishekiphemi azah tsüvae, eno I loghu pepheni ke I ghütomi, I juaje shikütsümi ku kumqovae.

ISAIAH 29:2

Ikemu I no Ariel khasüve nani, tile amloghuju eno akumlo anani, tipau ye aghakishi-a toive nani.

ISAIAH 34:5

Atsütsü lono I zütakikihi kutope I no kütsani ye akemi Edommi shou küghathani ke iqi cheni.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

AMUS 8:3

Tipani achineki lo alekiphe ye mloküqa shive nani,” Ampeu Alhou no pivae. “Akithi kumo no kütsasa!” “Aqha kümtsü peve nani!” “Inaqhoi khümüive nani!”

ZEKHARIA 14:1

Julo, nongu launo xuleluve keu pesü nongu küa lono kijeluve kepu, Ampeu ghenguno atsala cheni.