ZEFANIA 1:3 - Sumi Naga CL (Re-edited) Bible (BSI)

³ “I no timi eno tüghashi jole nani; I no atsütsü lo aghauqo eno azüghi lo akhaqo jole nani, I no kixikilami püxakulu nani. I no ayeghi lono timiqo kütsave nani,” Ampeu no pivae.

BAIBEL (BSI)

³ timi lhoxu kumtsu, ashi aghauqo eno akhaqo kutsaleveni. Ino kusakughami xale qhiveni. Ino timi jeli kumtsu kutsaleveni eno timi lakhimu ghupe qhimo nani. Ni AMPEU no piqhi ani.”

ZEFANIA 1:3 Referans Kwoze

HOSIYA 4:3

Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

EZEKEL 7:19

Panongu no panow ghükayi alaghila lo kuthole, eno ameshoyi ye mithekumo thime toivae. Panow ghükayi ngo ameshoyi ye Ampeu loghu lono xamlae. Panongu ye tipau pesü pano khüava ghapiqi lumoe momu pano kive shepichhi lumoe. Kughengu tino pano pukhu püsüpe axine shiveke.

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

MATTHEW 23:39

Kughengu I no nongu vilo piani, nongu no, ‘Ampeu je lono ighikeu Alhou no kümgha tsülo’ ipi moke kutolo nongu ye khilemu ni ithulu kithemae.”

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

HOSIYA 14:3

Assyria ye ni xamla nani; ningu ye khurshi samo nani; eno ningu ye, ‘Ni Lhou’ ipi ni u no mlakeu vilo pimo nani. O launo mighimi no küpükini ithulu chenie.”

JEREMIYA 12:4

Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

EZEKEL 44:12

Kughengu panongu no pano süatu julhoqo zülono Israel kibolomi lau achine kümla shino panongu lau apukhu küpsüpu xine shike, tighenguno I no panoqo ghenguno tushoqhive, ipi Ampeu Alhou no asheshu, eno panongu ye pano ghime xapu nani.

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

ISAIAH 6:12

eno Ampeu no aghache lo timiqo hapuwuve no a-a kümtsü yenguyive moke kutoloe.

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

JEREMIYA 50:3

“Ahuu no shiye lakhi Babylon lenike ighi ani, tino li pesü küghüve tsü nani, eno khunomu tile küghüna move nani; timi ngo lhoxü kümtsü pove nani.

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”