ZEFANIA 1:14 - Sumi Naga CL (Re-edited) Bible (BSI)

¹⁴ Ampeu tsala kije ye kupunuvae, punukhoi eno pai cheae; Ampeu tsala sütsa ye kukhukimji ke; tile akumtomi huno igha qae.

BAIBEL (BSI)

¹⁴ AMPEU tsala kijehu kupunuvae, ighono kupunuvae eno payi ighi nani. Tiye kukhu kimji tsala shi nani, kughengu ghushimi amlo kuloghiu thotsu amlo hauveno igha nani!

ZEFANIA 1:14 Referans Kwoze

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

EZEKEL 30:3

Kughengu atsala ye kupunuvae, Ampeu tsala ye kupunuvae; ti ye khüngküsü no nhapho keu tsala, shiyeqo ghimepu tsalae.

ZEFANIA 1:7

Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

EZEKEL 7:12

Ado ye ighivae; atsala ye tovae. Qhülu akemi no alovi kevilo momu jelu akemi no mloqa kevilo, kughengu aloghu ye kümtsü shou ikughivae.

ISAIAH 33:7

Aghütomi eno külakishi ghinimi ye alaghi lono mloqa anike julo.

ISAIAH 15:4

Heshbon ngo Elealeh no qa akeu sütsa no Jahaz kutolo chilu ani; tigheno Moab ghüshimi ghi khokhoshi ighamku ani.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

Apostolmi 2:20

Ampeu juküvüpu tsala kije ighini ke zülo khetsünhe no zümoive nani, aqhi no aji toi huchuyive nani.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

AMUS 8:2

Eno Pa no pi, “Amos, no ye kiu ithulu ani kea?” I no pi, “mütsü xathi ashoghi lakhi.” Tile Ampeu no I vilo pi, “Iw timi Israelmi shekuho ye ighivae; Ni ye khilemu panoqo juzü moae.

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

ZEFANIA 1:10

“Tipani,” Ampeu no asheshu, “Akha Khagho lono aküqa sütsa, Achebo Akiniu lono mloküqa lakhi, atoghiqo lono aghügha küsa lakhi chilu nani.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

JOYIL 2:1

Zion lo afuko küighalo; I kimthe toghi lo kütüghülo! Aghakhu lo küami kümtsü no khokhoshi pelo, kughengu Ampeu tsala chenie, ti ye kupunuvae,

EZEKEL 12:23

Tighenguno panoqo vilo pilo, ‘Ampeu Alhou no ishi piani: Aholetsa hipau I no kishekhave tsüni, eno Israel lo aholetsa shi hipau peitha move nani.’ Ikemu panoqo vilo pilo, Atsala ye kupunuvae, kungunhetsü kümtsü shikupu nani.

JEREMIYA 48:41

mishighünaqo leluve, aliwo kumtoqo ye khasü luve nani. Tipani Moab ghütomi mlo ye totimi apunu küsü lo akemi toive nani;

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

JEREMIYA 25:36

Asütsa lakhi, ambekhemi ghügha eno akhemi mpemi kumlo chilu ani! Kughengu Ampeu no pano chuqupu kütsave tsü ani,

ISAIAH 66:6

“Mishighüna lo mqhu akeu sütsa! Achineki lono aghügha igha ani! Ti ye Ampeu no Pa ghümi lochile akeu ghügha ke!

IBRIMI 12:26

Khaghi ye Pa sütsa no ayeghi süküghüthae, ikemu itehi ye Pa no piqhivae, “I no itaghi ghuthu lakhi ayeghi likhi kumono atsütsü ghi süküghütha nani.”

FILIPIAMI 4:5

Timi kümtsü no o kümtsha ghili ithi pelo. Ampeu ye aphivilo ani;

ISAIAH 8:22

no ayeghi lo juqhi nani kemu aveküsa ngo aküzü, eno ime kelauno khümüi keu likhive nani; eno panongu ye aküzü kutho lo vesüve nani.

EZEKEL 7:16

Tsala khuana ghülu kemi no pokalu aye, panongu ye naghutoqo lo wuve nani, akhila lo amiqhi toi panongu milakhikhi no pütüta kipimi ghenguno mloqa nani.

JOYIL 3:14

Aqokitikhi, aqokitikhi no küghakütha khila lo anie! Kughengu küghakütha khila lo Ampeu tsala ye kupunuvae.

JEREMIYA 46:5

Ni ye kiu ithulu ani kea? Panongu ye aghüthi süvae eno athiu idewovae. Panow ghüshimi ye thiqhivae eno kuhakive pokhavae; panongu ye athiu jupuwo amoe kümsapu no homxape anie! ipi Ampeu no sheshu.