ZEFANIA 1:10 - Sumi Naga CL (Re-edited) Bible (BSI)

¹⁰ “Tipani,” Ampeu no asheshu, “Akha Khagho lono aküqa sütsa, Achebo Akiniu lono mloküqa lakhi, atoghiqo lono aghügha küsa lakhi chilu nani.

BAIBEL (BSI)

¹⁰ AMPEU no pi, “Tipa tsalalo, Jerusalem lo Akha Khagholo timino ighaqakeu sutsa nonguno chilu nani. Aphughi anile shipuake kudau qanhenhei keu sutsa nonguno chilu nani eno naghuto kubo kighini ikiqikeu sutsa kije lakhi chilu nani.

ZEFANIA 1:10 Referans Kwoze

YEKIKITHI AKINIU 33:14

Tithiu Gihon kulolau akhila lo David phughi ghenguno eno Akha Khagho ghenguno Ophel homxa ghi pa no khalau kupuwu shishe qhemghai shiqheve. Pa no ghüshimi zatsümi pesü Judah lo aliwo kumto mishighüna kümtsü lo qhive.

AMUS 8:3

Tipani achineki lo alekiphe ye mloküqa shive nani,” Ampeu Alhou no pivae. “Akithi kumo no kütsasa!” “Aqha kümtsü peve nani!” “Inaqhoi khümüive nani!”

KUKAMI AKINIU 22:14

Ikehu achineu Hilkiah, Ahikam, Akhbor, Shaphan, eno Asaiah no achineki lo tiphimini jukükütsüu Harhas nu Tikvah nu Shallum nipu Huldah tungkupliu, lau wuno li sasü küptsa (li ye Jerusalem lo asa akiniu lo ache).

NEHEMIA 3:3

Hassenaah nuli no Akha Khagho shiqhe kithe. Panongu no piphi boqhasü qhave no ahukikhaqo ngo tipau vüdayi eno akhaduqo mlasüve.

ZEFANIA 1:15

Tipa tsala ye aloghu tsala, aghime eno amloghuju tsala, ixapinyi eno kütsale keu tsala, züchiyi keu eno aküzü tsala, khüngküsü kutho zümoike tsala,

ZEFANIA 1:7

Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

JEREMIYA 39:2

Zedekiah yepe mpe chighiaqhaqhiu, aqhi abidiu atsala atokuu shiake lono aliwo hepho iloghive.

JEREMIYA 4:31

Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

ISAIAH 59:11

Ningu kümtsü ava toi mqhu ani; eno amiqhi toi igha auvae; ningu no achipiu xakütha laju kemu kühavae; ningu no xakulupu laju kemu ti ye ni launo putosüvae.

YEKIKITHI AKINIU 32:22

Hitoi Ampeu no Hezekiah ngo Jerusalem lo küami Assyria kükau Sennacherib u lono xaphelu, eno pa ghümi kümtsü launo xaphelu no acheaxü lo akemi sasü külakishi lono xülupe.

YEKIKITHI AKINIU 3:1

Tishino Solomon no Jerusalem lo Moriah Toghi, khile Ampeu no papu David lau ipeghi no David no ti kichepüa keno, tile Ampeu ki shiqhe thuve, tipa-a ye Jebusimi Ornan niqa ke.

SAMUEL AKINIU 5:9

David no sükusho-a lo ngoluve eno tipau pesü Davidw mishighüna ipi kuvetsü. Pa no Millo kümtsü homxa mishighüna shiqhe pukuve.

SAMUEL AKINIU 5:7

Tishimu David no Zion sükusho-a leluve, ti ye David phughi.

YEKIKITHI AKINIU 34:22

Tileno achinetou Hilkiah ngo akükau no puwu keqo no achineki lo tiphimini jukükütsüu Hasrah nu Tikvah nu Shallum nipu Huldah tungkupliu, lau wuno li sasü küptsa (li ye Jerusalem lo asa akiniu lo ache).

NEHEMIA 12:39

Ephraim Khagho shou, Yeshanah Khagho ngo Akha Khagho phivilo, Hananel Qogheki, eno Aqhe Qogheki vechesü Ambe Khagho lo wu. Panongu no Aghukhemi Khagho lo ngove.

EZEKEL 6:13

Ghiqhive keqo no akiptia homxape ajulho akeqo gholo, qhemghai keu toghi lo, naghuto kütsüqa lo, asübo lo, aphisübo miniboi keu lo, khile khilemu panongu no pano julhoqo lau axokütsüngü mlla chekeu-aqo lo ikiqi aghi kelono panongu no Ni ye Ampeu kepi ithi nani.