ZAKINIU 9:5 - Sumi Naga CL (Re-edited) Bible (BSI)

⁵ Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

BAIBEL (BSI)

⁵ Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.

ZAKINIU 9:5 Referans Kwoze

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 15:7

Ampeu no pa vilo pi, “Ni ye Ampeu, Chaldea ghakhu Ur lono ayeghi hipau o tsüno ti ighilu peniye o saighi keu ke.”

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

Rommi 15:8

I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

Rommi 11:28

Itehi panoqo ye nongu Jewkumomi ghenguno Atsakiviu ghümi shi ani. Ikemu Alhou no kishephelu keu tsa loye pano puasüqo ghenguno panongu ye Alhou mlokuchuu ke.

Apostolmi 3:25

Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

ACHINE 18:25

eno ayeghi shikitiqeve ke, tishi kehu tipau xine ghenguno I no ghimeqhi eno ayeghi no tile küxümi puquleve ke.

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

ZAKINIU 18:9

“Ampeu nongu Lhou no tsü akeu yeghi lo nongu no iloghive kelo, nongu ye shiye tile akeqo no aphikümqhüpu kümla shiche keqo pape moni.

ZAKINIU 20:18

tishikeu lono panongu no pano lhouqo lau aphikümqhüpu khuaye shiche keqo nongu shikamo nani, eno nongu pelo Ampeu lau axine shipemo nani.

EZEKEL 36:22

“Tighenguno Israel kibolomi vilo pilo, Ampeu Alhou no ishi piani: O Israel kibolomi, I no mla niye akeu ye nongu ghenguno kumono nongu no shiye khunoqo gholo ighi keno panoqo zülo shipixive keu I je kimthe ghenguno ke.

EZEKEL 36:32

I no mla niye akeu ye nongu ghenguno ke kumoe pi ithilo, Ampeu Alhou no asheshu. O Israel kibolomi, nongu laghi ghenguno kujo eno ighü alo.

BOTHUBO 15:16

Eno panongu ye tiqheli abidiu lono hile ideighi nani, kughengu Amorimi xine ye kupu mphike.”

ACHINE 18:24

“Thime hipaqo kiunomu nongu shikitiqepe kevilo, kughengu I no nongu zülono shiye haphe akeqo ye hipaqo vecheo mithe movae,

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 18:12

hipaqo shikemi ye Ampeu zülo aphikümqhüpu ke. Hi ghenguno nongu nhethe lono Ampeu Alhou no shiye hipaqo hapheve ani.