ZAKINIU 8:7 - Sumi Naga CL (Re-edited) Bible (BSI)

⁷ Kughengu Ampeu nongu Lhou no aghüma yeghi lo nongu sailoni cheni, ayeghi tipau ye aghoki eno azüpuki akeu eno ayeghi qhou züpuki no akhila ngo naghuto lono ipeghi anie;

BAIBEL (BSI)

⁷ AMPEU nongu Lhou no aghuma yeghilo nongu sailoghini cheni, ayeghi tipauye aghoki eno azupuki akeu eno ayeghiqhou zupukino akhila ngo naghutoqolo mpa ipeghikeu ke;

ZAKINIU 8:7 Referans Kwoze

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

BOTHUBO 49:11

Paw khurhati atsaibo lo tshü eno khurhali atsaibo akiviu lo tshüpe qhino pa no atsaizü lono pa phimini ishile eno atsaizü kuhu lono alouphi ishie.

ZAKINIU 8:6

Ikehu Ampeu pape eno sümsa keu vecheo Pa zakütsü pelulo.

ZAKINIU 8:8

ti ye ashothi, barleythi, atsaibo, mububo, khaghatu bo, olive, eno akhingozü ipeghi chekeu yeghi ke.

KUKAMI AKINIU 18:32

I no ighi no nongu sasü no yeghi toike-a lo qhimoke kuto tishi ape nani, ayeghi ti ye athi ngo atsaizü, asho ngo atsailu, olive sübo ngo akhingozü yeghi ke. Akithi kumono aküxü kishelu lo. Hezekiah no nongu vilo, “Ampeu no ni xaphelu nani,” ipikeu tsa ini kevilo.

LESHELE 106:24

Tithiu panongu no ayeghi chhigha kivi jukünatha no, eno Pa shoqhi lo pülübe moe.

JEREMIYA 2:7

I no kupukuno shi akeu yeghi lo axathiqo eno thime kivi chulu penike nongu saghi ke. Ikemu nongu no iloghi kelo, I yeghi shipixive eno I mheghi pesü aphikümqhüpu shivetsü.

EZEKEL 17:5

Tishino pa no ayeghi lono apiti ikhiluve no aghüma yeghi lo shosüve. Pa no tipau pesü azü kupukuno shiake alo shosü. Pa no tipau pesü mlosübo lakhi toi shosüve,

XAKUTHAMI 18:10

Kughou nongu no ti toni keno, nongu no timi pülüpüsamo kemi sholu nani. Aghakhu tipau ye ililai ani eno tilau ye ayeghi lo thime kiumu püqü keu kühae. Alhou no nongu u lo süve tsüae.”

LESHELE 104:10

Nono akhila lo azüpuki qoipeghipe, tipaqo no naghutoqo dolono qowue;

ISAIAH 5:1

I no I qhuu ghenguno kikimiye le pesü pa tsailu shipili pheni: I qhuu no ighono aghüma kivi toghi lakhi lo atsailu ache.

ISAIAH 36:17

I no ighi no nongu sasü no yeghi toikeu athi eno atsaizü ililai akeu, tilau wumoke kutolo nongu pelo hitoi apenani.