ZAKINIU 8:2 - Sumi Naga CL (Re-edited) Bible (BSI)

² Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

BAIBEL (BSI)

² Wovekeu mpe hi lhobidi kutolo AMPEU nongu Lhou no nongu sasu asayeqha vechewo ado kushuwa itsuchekeu kumsululo, tishi chekelo nongu pejunike shiluksa puwu cheke tishianguno nonguno kiu shiniye kumsupu ani keno pano ithinike eno nonguye pano ahza tsukeu papelu nani kemo keno ithiniyeke.

ZAKINIU 8:2 Referans Kwoze

James 1:3

kughengu nongu küpülü pekuju lono tsaqütsalei keu ipeghi cheni kepi nongu no ithi ani.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

ZAKINIU 8:16

Pa no nongu peju no kuchuni eno ashekha lo akivipu shitsü niye asayeqha lono nongu puasüqo nomu mthakeu manna pesü nongu lojike.

IPEKULU 16:4

Tile Ampeu no Moses vilo pi, “Julo, I no nongu ghenguno kunguu no asho ghuqhi tsüniye ani, eno timiqo no khalau ipe no tsalakipe chuqupu saje hekütsüni, tishino panoqo no I yezah lo cheche nani kemo keno I no pejuni.

ZAKINIU 2:7

Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

YEKIKITHI AKINIU 32:31

Ikehu kughou Babylon yepemi lachemi no Hezekiah vilo aghakhu lo amchipu vehu ighiju niye ighi keno, Alhou no Hezekiah peju no pa mlo lo kiu ani keno kümtsü ithi niye pakutoshi qhive.

IPEKULU 15:25

Moses no Ampeu lau ighamku, eno Ampeu no asüta lakhi pa piye, pa no tipau azü lo vesüve, eno azü ye yelu kepu shive. Tile Ampeu no panoqo ghenguno ayezah lakhi mlatsü, eno tileno panoqo peju

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

John 2:25

Pa ye timi ghili ithi nike thopi khumu avehupu shimoe, kughengu pa ampi no timi lolo kiu akeno ithi ae.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

ZAKINIU 29:5

I no asayeqha lo ampe lhobidi nongu sasü ighivae, ikemu nongu phimini ngo apukhuqho ye puxüve mphie.

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

AMUS 2:10

Egypt yeghi lono nongu saipeghi keu hughi I noe eno Amorimi yeghi pesü tsüniye ampe lhobidi asayeqha lo nongu sacheke.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

LESHELE 136:16

Pa no Paw timi sasü asayeqha katha wue; kughengu Paw iqemokeu kikimiye ye alholo acheni;

LESHELE 106:7

Kughou ningu puasüqo no Egypt lo ache keno, panongu ye Ow akümzapu kümlaqo kihiju moe; panongu ye Ow iqemokeu kikimiye kupukuno shi akeu kümsülu move, ikemu azüghi, Akuhu Züghi lo cheche kelo panongu no hebideve.

LESHELE 81:7

Aghime küsa lo nongu no I ku, eno I no nongu xaphe; Pasapagha-a lono I no nongu khochile; Meribah züpuki lo I no nongu ghükeju ke.

LESHELE 77:11

I no Ampeu kümla kümsüchile luni; iyei, I no wovekeu lo Ow akümzapu kümlaqo kümsü luni.

JOB 33:17

tishianguno pa lhoksa kümla lono tsüghüve eno aqheküza peve peniye ke;

YEKIKITHI AKINIU 33:12

Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

ZAKINIU 13:3

nongu ye tungkupu momu asamo pumo kicheu tipau tsa ini moni. Kughengu nongu ye amlo kuchopu eno angulho kuchopu pesü Ampeu nongu Lhou kimiye ani kemo keno ithini ke Ampeu nongu Lhou no nongu peju ani.

ZAKINIU 7:18

panongu msa kevilo, ikemu Ampeu nongu Lhou no Egypt lo Pharaoh ngo paw timiqo lau kiu shikeno kümsülu lo.

ZAKINIU 1:33

Pa no nongu züuno wuno nongu pelo aphiki shipenike a-a phutsü, alaghi nongu piye nike putho lono ami tsükucho eno puchou no khüngküsü shike.

ZAKINIU 1:3

Egypt qhiveke mpe lhoabidiu, aqhi chighiaqhaqhiu atsala atüghüni, Ampeu no Israelmi azah tsülo pikeu kiqi lono Moses no timiqo pütsa.

BOTHUBO 22:1

Hipa thiu Alhou no Abraham peju no pa vilo pi, “Abraham!” Pa no pi, “Ni hile anie.”

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

IPEKULU 16:35

Israelmi no akütsashi ngolu kepu-a tomoke dolo panongu ye ampe lhobidi manna chuche. Canaan yeghi lughi tolu moke kutolo panongu ye manna chue.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

AKIKIHI 14:33

No tianuliqo no asayeqha lo ampe lhobidi itsüche nani, eno no mikuchokumo ghenguno nongu kümtsü asayeqha lono thikhave moke kutolo panonguu no ime anani.

XAKUTHAMI 2:22

tishino I no Israelmi pejuni cheni; pano puasüqo toi panongu ye Ampeu laghi lo züni kemo keno juni.”

XAKUTHAMI 3:4

Panongu pesü Israelmi pejuni ye qhike; Israelmi ye kuchou no Moses vecheo pano puasü tsükeu Ampeu zakütsü gholu nani kemo keno pejuni ye shike.

NEHEMIA 9:19

Ow kimiyekini shishe kije akeu vecheo, No ye asayeqha lo panongu pheve moe. Khüngküsü tsükucho, puchou pano sasü chekeu no panongu launo kühave moe eno titoi ami tsükucho, putho lo panongu laghi yetsü chekeu hu ghi panongu pheve moe.

EZEKEL 20:19

Ni ye Ampeu nongu Lhou ke; I khuaye papelo, eno Iw pimheyeqo papeni ke kutokupui lo,

ZAKINIU 32:7

Khaghi ghili kümsü lulo; khaghi lomi ghili kümsü julo; o pu vilo iniju lo, pa no piye nani, layemi vilo inijulo, pano no pi nani,

LESHELE 103:2

Ampeu sheqhelo, O I ngulho, eno Paw kükümghaqo kümsüma kevilo.

JEREMIYA 2:6

Panongu ye ishi pimoe, ‘Egypt yeghi lono ningu saipeghi no yenguyi ke-a, asayeqha eno anhepho yeghi lo, züha yeghi eno aküzü kutho khunomu kathamo eno küghüna mokeu yeghi lo ni sawu keu Ampeu khile ani kea?’