ZAKINIU 8:17 - Sumi Naga CL (Re-edited) Bible (BSI)

¹⁷ Ikehu nongu mlo lono, ‘I küka kumto lono küakini hipau ithulue,’ ipilu nosake tsükhüi lo.

BAIBEL (BSI)

¹⁷ Tighenguno nonguye nongu kuka kumtono nongu pelo kinikulu shilupe kepi khilemu kumsu kepu kumo.

ZAKINIU 8:17 Referans Kwoze

ZAKINIU 9:4

“Ampeu nongu Lhou no nongu zülono panoqo hapheve kethiu, nongu mlo lono, ‘I mikucho ghenguno Ampeu no I sasü ayeghi hipau pükhalu peke,’ ipi kevilo. Kuchou loye shiye hipaqo kixikila ghenguno Ampeu no nongu zülono panongu hapheve anike.

1 Kor. 4:7

Khuu no nongu ye kütami nguno paküta kepi ithulu kea? Nongu ye Alhou launo ithulu mokeu kiu ani kea? Nongu no ithulu püaghi aye, ti ye kümsagho kumo kesheno nongu ye kushiye qheza cheni kea?

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”

HOSIYA 12:8

Ephraim no pivae, “Ah, ni ye kinimi; I sala küakini phuluvae; I kümla lo panongu ye I kipimi momu I xine ithumlae.”

ZAKINIU 7:17

“Tsala nongu no amlo lono, ‘Shiye hipaqo ye I nguno akijeu ke ni ye kishino hipaqo kütsaluni kea?’ ipi aye,

HABAKUK 1:16

Ikehu pa no aghakishi pesü pa khame tsü eno akümllagho pesü ghokütsü keu khame tsüe; kughengu tipaqo vecheo pa ye tule-pele xüani, eno pa chuqupu ye nibonilei anie.

XAKUTHAMI 7:2

Ampeu no Gideon vilo pi, “O gholo timi akeqo ye ihulo anike Ni ye Midianmi pesü ow timiqo u lo sütsü mlae, tikumo ye Israelmi no I qhive no aqheküza shi, ‘I u ampi no I xalue’ ipiuve nosae.

SAMUEL ATUGHIU 2:7

Ampeu no kumlhomi ngo kinimi kughulhotsü cheni; Pa no sünheqhi eno xaqhe cheni.

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

SAMUEL ATUGHIU 30:23

Ikemu Dadiv no pi, “I thiküzümiqo, Ampeu no kiu ningu tsü keno tipau pesü tishi mlae. Pa no ningu püxü tsüno ni leighi keqo mqo pesü ni u lo sütsüe.

JOB 31:25

tsala I küakini no kupukuno shi, momu I u lo angukümgha aghi kehu I lovi püaghi aye,

YETSAPIU 3:6

phukepu do, eno pühave kepu do; hekütsü kepu do, eno peve kepu do;

JEREMIYA 9:22

Pilo, “Ampeu no ishi asheshu ani: ‘Asükumo no aluza lo amishiba toi ikiqi nani, ghilemi thiu aghijini toi nani, khunomu pano hekütsümo nani.’”

EZEKEL 28:5

ow lhidikishi lo o lokütsü vecheo nono o küakini kughuko luno o küakini shou qheza ke,

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”