ZAKINIU 7:9 - Sumi Naga CL (Re-edited) Bible (BSI)

⁹ Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

BAIBEL (BSI)

⁹ AMPEU nongu Lhou likhino Alhou kepi kumsululo eno paye amikuchoke. Paye puloshoqhi phevemo nanike eno pa qhuivu eno Pano ahza tsukeu papelu kemiqo lau tiqheli 1000 kutolo pawu iqemokeu kikimiye piye chenike.

ZAKINIU 7:9 Referans Kwoze

IBRIMI 10:23

Ningu ithamo no nino laju piphe chekeu mtotoi tsüqü peni nolo, kughengu khuu no piqhi püani keno Pa ye pükhükulupu ke.

2 Tim. 2:13

nino aküpülü küha namu Pa ye pükhükulupu ke kughengu pa ye pa ampi milive mlae.

2 Thes. 3:3

Ikemu Ampeu ye pükhükulupu ke. Pa no alhoksa lono nongu iqhi kumto eno khekuto tsü nani.

DANIEL 9:4

I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

1 Kor. 1:9

Alhou ye pükhükulupu, Pa vecheo nongu kusawo Pa nu, ni Mpeu Jisü Khristo gholo kuposhulu peke.

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

1 Thes. 5:24

Khuu no nongu kulu keno Pa ye pükhükulupu; Pa no mtsüqheino tishi nani.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

ZAKINIU 5:10

Ikemu I kimiye eno I zakütsü pelu kemi lau tiqheli qhethonhe kutolo Iw iqemokeu kikimiye piye cheni.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

2 Kor. 1:18

Alhou ye pükhükulupu ke ningu ye nongu vilo ghuthu khavino Iyei eno Moe pi püamoe.

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

IBRIMI 11:11

Aküpülü lono Sarah ye atianuli shikepu do vechebeive keghi mishilu kepu küka ithulue, kughengu piqhi püakeu Lhou ye pükhükulupu kepi li no pülübe ke.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

1 Kor. 10:3

kümtsü no aghungu lo chuqupu chu,

1 Kor. 8:3

Ikemu khuu no Alhou kimiye cheni keno, Alhou no pa ithi ani.

YEKIKITHI ATUGHIU 16:15

Tiqheli qhethonhe ghenguno Pa no azah tsükeu, puloshoqhi alholo kümsülu lo,

AKUMLO 3:23

tipaqo ye inaqhe atsütsü akithe ke; O pükhükulu ye kije ke.

LESHELE 146:6

Pa no kungugha eno ayeghi, azüghi eno tile akeqo lhoke, Pa ye alholo pükhükulupu ke;

BOTHUBO 9:15

I no Ni, nongu eno aküxüküa lhoxüqo dolo Iw puloshoqhi akeu kümsülu nani. Eno azüghizü ye khilemu itaghi aküxü kütsa nike züqozü shi ighimo nani.

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

AKIKIHI 14:18

‘Ampeu ye asheshino amloide cheni eno iqemokeu kikimiye no kupukuno, akipimi eno axine qhivetsü cheni, ikemu pimive keu xine ye khilemu nuxatsü mono atianuli tiqheli aküthüu abidiu kutolo pekishe nani.’

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

XAKUTHAMI 2:1

Tipa ghuloki lo Ampeuw kungumi no Gilgal lono Bokhim lo iqho no pi, “I no Egypt lono nongu saipeghi no nongu puasüqo vilo piqhi püakeu yeghi lo sailo, eno pi, ‘I no nongu sasü puloshoqhi shi püakeu khilemu hephomo nani,

KUKAMI ATUGHIU 8:23

eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

YEKIKITHI AKINIU 6:14

eno inikhu, “O Ampeu, Israel Lhou, tsütsü qholo eno yeghi shou khumu O toikeu Lhou kühae! Nono O qemiqo no amlo kuchopu ikhiphepe aghokulu shi ake thaqhü lo, Ow timiqo sasü puloshoqhi shikeu pape, eno O kikimiye panongu lau pephe piyeke.

LESHELE 103:18

ti ye khunono no Paw puloshoqhi eno Pa zakütsü pape cheni keno pano ghenguno ke.

LESHELE 105:8

Pa ye alholo Paw puloshoqhi, Pa no azah tsükeu tsa tiqheli qhethonhe kutolo kümsülu cheni,

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

XAKUTHAMI 5:31

“Hitoi o ghümi kümtsü thive pelo, O Ampeu! Ikemu o küsami ye khetsünhe no ipeche ketoi vülu pelo.” Eno aghakhu ye ampe lhobidi alokughuno shi akulho qhilue.

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

LESHELE 36:6

O mikucho ye Alhouw naghutoqo toike; Ow küghakütha ye azüghi kutho toike; O Ampeu, Nono timi eno tüghashi xalue.