ZAKINIU 7:8 - Sumi Naga CL (Re-edited) Bible (BSI)

⁸ Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

BAIBEL (BSI)

⁸ Ikemu AMPEU no nongu kimiyeke eno Pano nongu puasuqo lau tushoqhive keu pecheni shike. Tighenguno pa kumto kije pesu nongu xaluke eno nonguno Ijip lo akukau quaxemi shi acheke lono nongu khaqhiphetsu ke.

ZAKINIU 7:8 Referans Kwoze

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

JEREMIYA 31:3

Ampeu no putou no ni lau ipeghi piye. I no lhokta kikimiye pesü o kimiye; tighenguno I no ishokibe o lau pükhükulu shike.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

ISAIAH 43:4

Kughengu no ye I nhethe lo akughupu; gihu küzüpu, I no o kimiye cheni eno o theli lo timiqo pheve cheni, o küxü ghenguno ashiaye kütami pesü atheli shi cheni.

ZAKINIU 10:15

Ikeghi ashiaye kümtsü dolono Ampeu no nongu puasü eno pano polo kughukomi qhuivü, eno ishi kutolo tishi aphie.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

Luke 1:55

ti ye Pa no ni puasü Abraham eno pa tikughukomi vilo alholo ghenguno piqhive keu kiqi lono ke.”

MATTHEW 11:26

iyei, Apuo, kughengu hitoi shinikeu no O pulou shiake.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

LESHELE 105:42

Kughengu Pa no Abraham, Pa qeu, eno Pa kimthe shoqhi kümsülu ke.

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

SAMUEL AKINIU 22:20

Pa no aghüche kivi lo I saighie; Pa no I lau azüvü kehu I xalue.

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

1 John 4:19

Ningu no kimiye kile chekeu ye Alhou paghino ningu kimiye kehue.

Rommi 11:28

Itehi panoqo ye nongu Jewkumomi ghenguno Atsakiviu ghümi shi ani. Ikemu Alhou no kishephelu keu tsa loye pano puasüqo ghenguno panongu ye Alhou mlokuchuu ke.

BOTHUBO 19:16

Ikemu pa ye künachove. Ikehu timi pama no pa ngo pa nipu eno anga pama au lono tsüqü luve, Ampeu no pa lau küpüqhiyi akehu pama no pa sasü mishighüna khalau po ipeghive.

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

YEKIKITHI AKINIU 9:8

Ampeu o Lhou shelo! Pa no o shou amlokiqi shino o pesü Israel kükalakhü lo qhie! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

EZEKEL 36:22

“Tighenguno Israel kibolomi vilo pilo, Ampeu Alhou no ishi piani: O Israel kibolomi, I no mla niye akeu ye nongu ghenguno kumono nongu no shiye khunoqo gholo ighi keno panoqo zülo shipixive keu I je kimthe ghenguno ke.

MICAH 6:4

Kughengu I no Egypt yeghi lono nongu saipeghi eno aqüaxe kibo lono nongu qhüchilelu ke, I no nongu lau Moses, Aaron eno Miriam puwue.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

MALAKI 1:2

Ampeu no pi, “I no nongu kimiye ke.” Ikemu nongu no pi, “No ye kishi ningu kimiye kea?” “Esau ye Jacob pamu kekumo?” ipi Ampeu no asheshu. “Ikeghi Ni ye Jacob kimiye

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 5:6

“‘Ni ye Ampeu, khuu Egypt lo aqüaxe kibo lono nongu saipeghi keno, nongu Lhou huke.

ZAKINIU 23:6

Nongu ye alholo panow külakishi momu kinikülü phumoni.

ZAKINIU 33:3

Iyei, Ampeu no Paw timi kimiye, Pa kimthe timi kümtsü Paw sükusho lo ae; ikehu panongu no O pape ke, eno Ow mijekütsü papeke,

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

YEKIKITHI ATUGHIU 16:16

Abraham sasü puloshoqhi shikeu, Isaac lau pikiqhi shoqhi shikeu,

LESHELE 44:4

No ye I kükau ke, O Alhou; Jacob ghenguno xakulu kuto tsülo!