ZAKINIU 6:2 - Sumi Naga CL (Re-edited) Bible (BSI)

² tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

BAIBEL (BSI)

² Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

ZAKINIU 6:2 Referans Kwoze

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

ZAKINIU 13:4

Ampeu nongu Lhou papelo, Pa sümsa no Pa zakütsüqo pelu lo, Pa tsa inilo, Pa huthu no Pa tsüqüpe lulo.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

LESHELE 128:1

Khuu no Ampeu sümsa eno Pa laghi lo checheni keno pa ye alokivipue!

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

AHOLE 3:16

Axükushu ye li u ajeu ani; eno kinikülü ngo agigihupu no li u piyiu ani.

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

LESHELE 111:10

Ampeu sükümsa ye alokütsü boqha ke; khunono tipau pape cheni keno vethakulu kivi ani. Pa shekiqhe ye alhokupuju ache nani!

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

Luke 12:5

Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

ZAKINIU 22:7

Atiqo ye luluvi, ikemu aza ye wuve pelo, tishianguno nongu kivipu shi nani eno axüshulu nani.

ZAKINIU 6:7

Hipaqo pesü amlo tsüqhiyi no tianuli shikalo, nongu no aki lo akelo, khalau chekelo, akulhoqhi eno mlaitha kelo hipaqo pesü pialo.

ZAKINIU 4:10

Horeb lo nongu no Ampeu nongu Lhou zülo puthugho akelo kishi Ampeu no I vilo pi keno kümsülu lo, ‘Timiqo pelo pano küxü tivilo I sümsani keu shikalu penike I lau kukumqo lo, tishino panongu no pano tianuli ghi shika peni.’

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 6:1

“Ampeu nongu Lhou no nongu shika penike akhuaye eno pimheye azah I tsü, hipaqo ye nongu no ilo pükhalu niye akeu yeghi lo pelu peniye ke,

ZAKINIU 11:9

eno Ampeu no nongu puasüqo eno pano polo kughukomi tsünike tushoqhi keu akichhizü ngo akhingozü no qowu akeu yeghi lo axüshulu nani.

LESHELE 91:16

Axükupushu pesü I no pa ghapiqi tsü nani eno Iw xakulu pa piye nani.”

EZEKEL 20:19

Ni ye Ampeu nongu Lhou ke; I khuaye papelo, eno Iw pimheyeqo papeni ke kutokupui lo,

ZAKINIU 6:24

Ishi ningu no xüake toi Ampeu no ningu püxüpe ni kivipu shitsü niye Ampeu ni Lhou no Pa sümsa lopi azah hipaqo tsüe.

ZAKINIU 15:5

Nongu no tsaqüi Pa gholu eno ishi tsala lo I no azah nongu tsü akeu kümtsü kutokupui pelu aye,

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

JOSHUA 4:24

tishikeu lono ayeghilomi kümtsü no Ampeu küka ye akumto kepi ithi eno nongu pelo Ampeu nongu Lhou alhokuthu sümsache peniye ke.”

KUKAMI ATUGHIU 8:40

tishikeu lono, Nono ni puasüqo tsükeu yeghi lo Ow timiqo no xüake tivilo O sümsa ghi ache penie.

AHOLE 9:11

Nongu küxü mpe ye I vecheo küghüsülu eno küphalu nani.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.