ZAKINIU 5:32 - Sumi Naga CL (Re-edited) Bible (BSI)

³² Tighenguno Ampeu no Lhou no azah tsükeu papeni ke jukuto lo. Nongu ye tipau lono ajeu mu piyiu mu wuve kevilo.

BAIBEL (BSI)

³² “Israilmi, AMPEU nongu Lhou no ahza nongu tsuvekeu thwokha kumtsu shinikeu mutsuqhei shilulo. Pa yezah lakhimu ghobide kevilo.

ZAKINIU 5:32 Referans Kwoze

AHOLE 4:27

Ajeu na piyiu namu tsüghü wuve kevilo; alhoksa laghi lono o pukhu süchile luvelo.

JOSHUA 23:6

Tighenguno ighono mtotoi lo eno Moses Kaku lo yepüa keu kümtsü papelo, tipau lono ajeumu piyiumu tsüghüve kevilo,

JOSHUA 1:7

Qeti akumto shilo eno shishe amlo kuloghi shilo, eno I qeu Moses no azah tsükeu kümtsü kutokupui shi pekupu lo. Tipau lono ajeu momu piyiu tsüghüwu kevilo, tishikeu lono nono khila khila wumu, no ye akivishi tokulu shinani.

ZAKINIU 17:20

eno pa mlo ye pa thiküzümi nguno akuchuquu shi kümsümo eno Ampeu no azah tsükeu lono ajeumu piyiumu tsüghüve monani. Pa eno pa kibolomi ye ado kushuo pa kükaqha lo ayepelu nani.

ZAKINIU 28:14

nongu no tipaqo lono tsüghüsü ajeu piyiu wumo eno alhou kütauqo qemo aye, tishi tsü nani.

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

ZAKINIU 24:8

“Apügha küsü vehulo Levi chinemi no nongu vilo pikeu kiqi lono shinike pükapütsa lo. I no panoqo lau azah tsüke toi nongu ye ti shini.

ZAKINIU 12:32

“I no azah nongu tsü akeu thokha shilo; tile kiumu süküpha kevi momu ikhive kevilo.

ZAKINIU 11:32

nongu ye ishi tsala lo I no akhuaye eno pimheye nongu tsü akeu kümtsü pekupu nike kutokupui lo.

ZAKINIU 8:1

“Ishi tsala lo I no azakütsü nongu tsükeu kümtsü tsaqüi papelo, tishianguno nongu ye xülu, ikowolu, eno Ampeu no nongu puasüqo lau tushoqhi keu yeghi lo ilo ngolu nani.

2 Peter 2:21

Timi hipaqo no amikucho laghi ithive püzü akimthe zakütsü panoqo tsükeu launo idewove keu ye inahuu no amikucho laghi ithi move keu pavini cheke.

LESHELE 125:5

Ikemu khunono chighichilai keu laghi lo wuveni keno Ampeu no kixikilami gholo haphe puwuve cheni! Israel shou aloino keu apelo!

KUKAMI AKINIU 21:8

Israelmi no I zakütsüqo eno I no I qeu Moses tsükeu Yezah kümtsü pelu aye, I no pano puasü tsükeu yeghi lono khalau itsü wuve pemo nani.”

ZAKINIU 6:25

Ampeu ni Lhou no azah tsükeu kümtsü ningu no tsaqüi Pa zülo pelu aye, ningu ghenguno tino achipiu shinani.’

ZAKINIU 6:3

Tighenguno, O Israel, inilo, eno pükapütsa pelulo, tino nongu kivipu shilu nani, eno Ampeu ni puasü Lhou no tushoqhive ketoi, nongu ye akichhizü ngo akhingozü no qole akeu yeghi lo shishe ikowolu nani.

KUKAMI AKINIU 17:37

Akhuaye, pimheye, ayezah, eno azakütsü khikhi Pa no nongu ghenguno yetsü keno tsaqüi papelo. Nongu ye kütau lhouqo sümsa moni,

KUKAMI AKINIU 22:2

Pa ye Ampeu zülo kiu no achipi keno shino pasü David no shikeu thokha shi, eno pa ye piyiumu ajeumu tsüghüve moe.

EZEKEL 20:19

Ni ye Ampeu nongu Lhou ke; I khuaye papelo, eno Iw pimheyeqo papeni ke kutokupui lo,

ZAKINIU 6:17

Nongu ye amlo tsüqhiyi Ampeu nongu Lhou zakütsü, Pa shepe eno akhuayeqo pelulo.

ZAKINIU 17:11

Panongu no mijetsü eno shuphe tsükeu kiqi lono shilo. Nongu ye xakütha tipau lono ajeumu piyiumu tsüghüve moni.

ZAKINIU 29:8

Ningu no pama yeghi luvetsü no Reuben ngo Gad laghami eno Manasseh lagha tüxa kijeve tsüe.

LESHELE 19:12

Khuu no alikhi akipimi phulu nani kea? Tuqho-tugho kipimi lono I xaphe lulo.

LESHELE 80:19

Ni thoputho tsülo, O Ampeu aqokitikhi Lhou! O gi küvü yepüvü tsülo, tishiaye ningu ye xaluve nani!

AHOLE 3:2

kughengu tipaqo no o küxü lo atsala, ampe kutomo eno aloino keu küphatsü nani.

ISAIAH 30:21

Kughou nongu no ajeu momu piyiu tsüghüveni keno, nongu thiu no, “Ala ye hike, hipa la pülalo” ipikeu sütsa nongu kini lono chilu nani.