ZAKINIU 4:20 - Sumi Naga CL (Re-edited) Bible (BSI)

²⁰ Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

BAIBEL (BSI)

²⁰ Ikemu nonguye pano Ijipmi miphoki lono ishi tsalalo nonguno pawu shi aketoi nonguye pawu timiqo shipenike pano saipeghike.

ZAKINIU 4:20 Referans Kwoze

KUKAMI ATUGHIU 8:51

(Kughengu panongu ye Ow timi Nono Egypt lo ayikiyiqi miphoki lono saipeghi ke).

JEREMIYA 11:4

ti ye I no Egypt yeghi lo ayi kiyiqibo lono no puasüqo saipeghi kelono azah tsükeu ke. I no pi, I sütsa inilo, eno I no azah tsükeu kümtsü shilo. Tishiaye nongu ye Iw timi shinani, eno I no nongu Lhou shinani,

ZAKINIU 32:9

Ikemu Ampeu saje ye Paw timiqo ke, Jacob no Pa mheghi saje shilue.

ZAKINIU 9:29

Kughengu hipaqo ye Ow timi eno O mheghi, O küka kumto lono saipeghi keqo ke.’

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

LESHELE 28:9

O, Ow timiqo xalu tsülo eno O mheghi kümgha tsülo! Panoqo kheu shino alhokupuju hiju tsülo.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

IPEKULU 1:13

Ikehu panongu no mkamihi Israelmi pelo aqüaxemi toi mla pe

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ZAKINIU 26:18

Eno ishi tsala lono Ampeu no piqhike toi nongu ye Paw akughupu mheghi kepi shuphevae, eno Pa zakütsü kümtsü pelu lo pivae.

ISAIAH 30:6

Negeb lo tüghashi akeqo shou pimhelu keu tsape. Judah lashikami no akümsapu-a, khile abongshuu, athicho pighi, eno yewukiche pighi ani keno ti kathasü khurha ngo sayeshi mqa lono aküakini xapu pano kuphu mlani kemi shiaye tsücheni.

ISAIAH 48:10

Julo, I no nongu thakütsüghüvae ikemu ghükayi toimoe; I no aghime kitikhi miphoki lono nongu pejuvae.

DANIEL 3:26

Tithiu Nebuchadnezzar no kuchughei keu miphoki hukikha kupunu ighi; pa no asheshu, “Shadrach, Meshach, eno Abednego, Shishe Akiqheu Lhou qemiqo, ipeghive lo eno hilau ighilo!” Tileno Shadrach, Meshach, eno Abednego noqo no ami lono ipeghive.

IPEKULU 1:14

aghani ngo pititu kümla, eno aluza lo akümla jeli kümtsü aghimeshi mlakeu vecheo panoqo küxü kukhukimji shitsü. Akümla kümtsü lo panoqo pelo aqüaxemi toi mlape ke.