ZAKINIU 4:19 - Sumi Naga CL (Re-edited) Bible (BSI)

¹⁹ Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

BAIBEL (BSI)

¹⁹ Atsutsu lo kiu ithulu ani keno tsukinhe aqhi momu ayepuqo mlla eno qenikeulo msuluve pekevilo. AMPEU nongu Lhou no timi kutami pelo tipaqo mlla penike tsuve ake.

ZAKINIU 4:19 Referans Kwoze

Rommi 1:25

ti ye panongu no Alhouw kuchou vehu pesü akimki sasü küsükilive, eno Pulhoküsüu, khuu pülhapuju lo sheqhe aküzüpu keno, iyei, tishi pelo, Pa züqhulo pulhoküsü thime mlla eno huthu auve keu lono ke.

ZAKINIU 17:3

kütau lhou qeuve eno mllauve no I no lakha chekeu khetsünhe, aqhi, momu ayepuqo mllauve aye,

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

BOTHUBO 2:1

Ikehu atsütsü ngo ayeghi, eno tilehi akeu kümtsü mlaqhive.

NEHEMIA 9:6

“O likhi no Ampeu ke; Nono kungugha eno atsütsü, aqhi ayepu, ayeghi eno tile thokha thime, azüghi eno alou thokha thime, kümtsü lhoke; Nono ti kümtsü püxüpe qhike; eno kungugha lo aküka jeli no O mllae.

Apostolmi 7:42

Ikemu Alhou no panongu launo tsüghüve eno tungkupmi kaku lo ishi yepüa ketoi panoqo pelo atsütsü lo yepu-yesü mlla penike tsüve: “‘O Israelmi, ampe lhobidi asayeqha lo chekelo, nongu ye lhoxü eno aghakishi pesü I lau ighi keshea?

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

JEREMIYA 33:25

Ampeu no ishi piani: I no tsüküvü ngo tsüküzü sasü puloshoqhi shi püaghimo eno atsütsü ngo ayeghi akikithi lono püaghimo aye,

JEREMIYA 31:35

Ampeu no ishi piani, khuu no puchou khetsünhe küvü tsü eno aqhi ngo ayepuqo ghope putho lo aküvü tsücheni, khuu no azüghi zü xukutho no ighape cheni keno, Pa je ye aqokitikhi MPEU ke.

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

KUKAMI AKINIU 23:11

Pa no Judah kükamiqo no khetsünhe lau mllakeu khurshi julhoqo, Ampeu ki kulaghi lo ache keu, ti ye kijemi atou Nathan-melekh chebo phivilo akeu, ikhive tsü. Eno khetsünhe lau mllakeu khurkuluqo ghi pitive.

ZAKINIU 4:18

itikiche koghe na, azü lo kiukiu kha koghe namu mla kevilo.

ZAKINIU 13:5

Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

ZAKINIU 13:10

Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

EZEKEL 18:6

tsala pa no naghutoqo shou no chushomo momu Israel kibolomi sü-atu julhoqo shou pa nhethi jupukumo, pa kisüghüu nipu shikitiqemo momu aqhi lo aji wokeu dolono totimi ika wumo,

BOTHUBO 1:14

Tishino Alhou no pi, “Tsüküzü lono tsüküvü kije kütüta shinike atsütsü qhakuchho lo aküvü ipeghilu pelo. Eno tipaqo no atusho, atsala eno ampe michipu shi pelo,

YEKIKITHI AKINIU 33:3

Kughengu pa pu Hezekiah no qhemghaike-a kütsave tsükeqo pa no shikitheve, Baal kümlla-a mla, Asherah julho mla, eno aqhi-ayepu kümtsü mllae.

LESHELE 19:3

Khuno tsapi momu khuno tsa lomu tipaqo sütsa chimla keu kühae.