ZAKINIU 4:16 - Sumi Naga CL (Re-edited) Bible (BSI)

¹⁶ tikumo aye nongu ye no sala kiukiu julho koghe, kiptimi na totimi namu, mlakeu lono nongu shikitiqelu nosae,

BAIBEL (BSI)

¹⁶ ike no likhi nongu sala ajulho koghe lono khilemu kiuala shikevilo tishive aye axine shini ake. Kiptimi totimi

ZAKINIU 4:16 Referans Kwoze

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

ZAKINIU 5:8

“‘Nongu ye atsütsü lo, ayeghi lo, ayeghi qhou, momu ayeghi qhou azü lo akeu julho kimihi kiumu mlape qhimoni.

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

IPEKULU 32:7

Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

John 4:24

Alhou ye Aghungu, eno khunono Pa mllani keno aghungu eno kuchou lono mlla masae.”

ISAIAH 40:18

Imaye nongu ye khuu momu kiu pesü Alhou kimhe tsüni kea?

ZAKINIU 4:25

“Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

ZAKINIU 5:9

Nongu ye tipaqo zülo pishiqho momu qemoni; kughengu Ni Ampeu nongu Lhou ye anhekushu Lhou, I mithi kemi tianuli lau tiqheli aküthüu ngo abidiu kutolo aghime süghi cheni.

ZAKINIU 9:12

Tile Ampeu no I vilo pi, ‘Ithu no mtazü iqilo, kughengu ow timi, nono Egypt lono saipeghi keqo ye küsakügha kümla shivae. Panongu ye I no azah tsükeu lono tsüghüve no pano sala ayi julho mla luvae.’

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ACHINE 19:4

I qhive no ajulho mlla kevilo; ayi pesü alhou julho shisü no tipaqo mlla kevilo: Ni ye Ampeu nongu Lhou ke.

ZAKINIU 16:22

Nongu ye atsükucho qhimoni, kughengu Ampeu no tipaqo mithi ke.”

ISAIAH 44:13

Asü kümlau no asü mighi no yesüta pesü hetha puku cheni. Pa no tipau koghe mighi no akimghipu pesü amichi shino küxü cheni. Pa no tipau pesü timi ju koghe kivi shino aki lo qhi cheni.

EZEKEL 8:10

Ikehu I no alou ilo no ju. Tilau atupikiye kümtsü homxa ghi aphikümqhüpu itikiche lhoxü, tüghashiqo, eno Israel laghami julhoqo kümtsü kixi pukupe aghie.