ZAKINIU 34:1 - Sumi Naga CL (Re-edited) Bible (BSI)

¹ Tithiu Moses ye Moab qa lono chesü Nebo Toghi lo iqhove, eno Jericho ghüngü lo Pisgah kütsüqa lo ikuve. Tilauno Ampeu no Gilead lono Dan kutolo, aghakhu pa piye,

BAIBEL (BSI)

¹ Muse ye Muab khilaqa lono chesu Nebo Toghilo ikuve eno Jerikho ghungulo Pisga Toghi kutsuqalo wuve eno tilau AMPEU no aghakhu qha kuchopu pa piyeke: Gilead ghakhu ahuu Dan taun kutolo;

ZAKINIU 34:1 Referans Kwoze

Piyeküsü 21:10

Aghungu no I peitha luve no kungumi huno naghuto kuloghi chuqumghaike lakhi lo I xapusü wu, eno akimthe phughi Jerusalem kungugha lo Alhou launo iqi chekeu I piye,

EZEKEL 40:2

Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

JOSHUA 19:47

Kughou Danmi yeghi Leshemmi no hakho luvetsü keno panongu no iqho no tipaqo sasü aghüshi eno azütakikihi pesü kütsave tsü eno tile xüsüve. Panongu no Leshem phughi pesü pano pasü je kiqi lono Dan ipi kuvetsü.

ZAKINIU 32:49

“Moab ghakhu lo Abarim naghuto, Jericho ghüngüu Nebo Toghi lo ikulo, eno I no Israelmi tsüniye akeu Canaan yeghi juluve lo.

AKIKIHI 27:12

Ampeu no Moses vilo pi, “Abarim naghuto lo iqho no Israelmi lau I no tsü akeu yeghi juluve lo.

XAKUTHAMI 18:29

Eno tipau pesü Dan ipi pano pasü je lono kukideve. Ikemu atüghü loye Laish ipi cheke.

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

ZAKINIU 32:52

Ikehu no ye putou no ayeghi ithulu nani, ikemu I no Israelmi tsü akeu yeghi lo ilomo nani.”

ZAKINIU 3:27

Pisgah kütsüqa lo ikuno kulolau, kipelau, ahuu, eno apeu küdau o nhethi no juluve lo, kughengu no ye Jordan katha ikumoae.

AKIKIHI 33:47

Almon-diblathaim lono Nebo gizüu Abarim naghuto lo aghazü shi.

AKIKIHI 21:20

Bamoth lono Moabmi ghakhu lo akeu khila lo wuve, ti ye Pisgah Toghi phivilo eno tileno asayeqha küdau jupiqi cheni.

BOTHUBO 14:14

Kughou Abram no pa sholokumi küghape wuvae pi chilu keno, pa no paw timi qopheve kemi, pa ki lono punu kemi, aqolo 318 sasü Dan kutolo hawue.

BOTHUBO 13:14

Lot no pa launo kütüta shive kethiu, Ampeu no Abram vilo pi, “O nhethi tsüpukupe nono ngo akeu-a lono ahuu ngo apeu eno kipelau ngo kulolau julo,

AKIKIHI 23:14

Pa no Zophim luza lo Pisgah Toghi kütsüqa lo pa sasü ikuno tile akiptia tsüni mlape qhi, eno lakhikhi lo amshitsü lakhi ambetsü lakhi pesü mllave.

JOSHUA 22:9

Tishino Reuben, Gad eno Manasseh shiaye tüxa no aki lo idewove. Panongu ye Israelmi kütami sasü Canaan lo Shiloh lono kütüta shive no chesü pano yeghi lo wuve, ti ye Ampeu no Moses vecheo qhasü luve lopi azah tsükeu-a Gilead yeghi lo wuve.