ZAKINIU 33:9 - Sumi Naga CL (Re-edited) Bible (BSI)

⁹ Pa no pa puaza vehu lo pi, ‘Ni ye pama kihi movae’; pa no pa thiküzümi pheve eno pa tianuli jukümghaleve ke. Kughengu panongu ye O tsau no akhoto shive eno Ow puloshoqhi pape wuve ke.

BAIBEL (BSI)

⁹ Panonguye kumzapu oqhoqhu keu piye, tiye apuaza, athikuzumi momu atianuli nguno alaushi. Panonguno nono ahza tsukeu gholu eno owu puloshoqhi lau amikucho shie.

ZAKINIU 33:9 Referans Kwoze

Luke 14:26

“Khunono I lau ighive no pa puaza, anipu atianuli, athiküzü acheli, eno pa küxüu ghi milive moni keno, pa ye I khopemi shimlae.

MATTHEW 12:48

Ikemu Jisü no timi vilo pi, “Khuu no I za eno khuu no I thiküzümi kea?”

MATTHEW 10:37

Khukhumu apu momu aza kimiye akeu nguno alau I kimiyemo keu ye I laumi shiküzüpu kumoe, eno khukhumu apuanga kimiye akeu nguno alau I kimiyemo keu ye I laumi shiküzüpu kumoe.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

2 Kor. 5:16

Ikehu hinguno hilau ye ningu ye timi khumu ashi gholau no ikhilu moae. Ghuthu lakhi lo ningu no ashi gholau no Khristo ikhilu püaghi namu itehi ye tishi movae.

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

JOB 37:24

Ikehu timi no Pa sümsa cheni; Pa ye alikhi ampi pesü alokütsüe piche kemi kihi chemoe.

YEKIKITHI ATUGHIU 17:17

Ikeghi O Alhou, O nhethe lo hi ye tülalo aghi kepu toi Nono ighini keu lo ghi O qeu laghami ghenguno atsa kije pive tsüae, eno akiqheu timi toi ni ikhilu tsüke O Ampeu Alhou!

ACHINE 21:11

Pa ye pa puaza shiaghi namu akumo akeu kilo ilo no mithe move keu shimoni.

ACHINE 10:6

Moses no Aaron eno pa nuli Eleazar ngo Ithamar vilo pi, “Nongu kütsüsa mthomghoi qhi kevi, eno aphimini süxü kevilo, tikumo aye thive nani eno aqoaho kümtsü shou aloghu ikughive nani, ikemu no thiküzümi Israelmi kümtsü no Ampeu no ami no pitive keu ghenguno qamlo lo.

BOTHUBO 29:32

Leah no mishipuve no anu lakhi punu, eno li no pa je Reuben kutsü, li no pi, “Kughengu Ampeu no I ghime shou jupuku tsüe; kughengu itehi I kimi ye I kimiye niae.”

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

1 Thes. 2:4

ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

LESHELE 119:57

Ampeu ye I mheghi; I no O tsa pape nike ashoqhi shi ani.