ZAKINIU 32:8 - Sumi Naga CL (Re-edited) Bible (BSI)

⁸ Shishe Akiqheu no shiyeqo pütüta mheghi kutotsü kelo, Pa no timiqo kijetha kelo, Pa no Alhou nuliqo kikihi kiqi lono ashiayeqo lughi shotsü.

BAIBEL (BSI)

⁸ Shishe Akiqheuno ashiayehqo pututa yeghi kutotsuwo; timiqoye khile akepu keno pano kughutsu. Pano Israil shiayeh lakhi khi lau alhou lakhi kutotsu,

ZAKINIU 32:8 Referans Kwoze

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

LESHELE 115:16

Kungugha ye Ampeuw kungugha ke, ikemu ayeghi ye Pa no timi nuliqo tsüvae.

LESHELE 92:8

ikemu O Ampeu, No ye alholo yepeu ke.

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

BOTHUBO 10:25

Eber no anu kini ithulu: lakhi je no Peleg, kughengu pa ghuloki lono ayeghi ye kijethave, eno pa thiküzüu je no Joktan.

BOTHUBO 10:15

Canaan no Sidon, pa nu anoghiu, eno Heth ithulu,

Apostolmi 7:48

Ikeghi tungkupmi no pike toi Shishe Akiqheu ye timi u no shikeu kilo achemoe,

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.

ISAIAH 14:14

ni ye khüngküsü kiqhe-a shou ikuno I küghape Shishe Akiqheu toiveni.’

LESHELE 82:6

I no pi, “Nongu ye alhouqo, nongu kümtsü Shishe Akiqheu nuliqoke;

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

LESHELE 7:17

Ampeu mikucho ghenguno I no shikimthi tsüni, eno I no Shishe Akiqheu Mpeu lau shekiqhe le pheni.

AKIKIHI 24:16

Alhou tsa chikuluu no pikeu tsa, pa ye Shishe Akiqheuw akighithi tsa ithi ani, pa no Akughushuuw kungunhetsü, anhethi süküqü mono ithulue:

AKIKIHI 23:9

Kughengu qhemghai keu tuqu lono I no panoqo ithulu ani, atoghiqo lono I no panoqo ju ani; julo, hipa shiaye ye lomoshi xü ani, eno shiyeqo gholo kihisü amoe!

ZAKINIU 33:28

Tighenguno Israel ye sükusho lono xücheni, atsütsü lono atsüzü piqitsü keu, athi ngo atsaizü yeghi lo Jacob ye iqüghai xülu cheni.

LESHELE 74:17

Nono ayeghi lo alughi kümtsü kughupe qhi, Nono mütsü eno süsü tusho lhotsüe.

MICAH 2:5

Tighenguno nongu ye Ampeu hoho lo asaqhini kemi khumu kühave nani.

BOTHUBO 10:5

Hipaqo launo azüghimkü lo küxümiqo ye panoqo yeghi lo pütüta tsapi, alagha eno shiye shisü qhawove.

YEKIKITHI ATUGHIU 16:18

ti ye hike, “I no Canaan yeghi pesü amheghi shi o saje shitsüni.”

JOB 15:19

amheghi yeghi panongu tsü eno inaghami ye pano sabide moe).