ZAKINIU 32:5 - Sumi Naga CL (Re-edited) Bible (BSI)

⁵ Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

BAIBEL (BSI)

⁵ Ikemu nonguye amikucho kumo eno pawu timi shikuzupu kumoe, axinepu eno pishikiqhi shiayeh lakhi.

ZAKINIU 32:5 Referans Kwoze

FILIPIAMI 2:15

tino nongu pelo akuaye kühano tsüghükhüi shilu, ihoghülai eno chighichilai keu tiqheli lo tukutiye kühano Alhou tianuli shi ayeghi lo aküvü toi vülupe nani,

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

MATTHEW 17:17

Jisü no khochile, “Nongu aküpülü küküha eno chighichilai keqo, ni ye khitohi nongu sasü amasa kea? Ni ye khitohi nongu gholo anani kea? Pa sasü hila ighilo.”

Luke 9:41

Jisü no khochile, “O aküpülü küküha eno chighichilai keu tiqhelimi, ni ye khitohi nongu gholo anani eno khea lopi kea? O nu hilau saghi lo.”

MATTHEW 16:4

Kixikila eno amikucho kumo tiqhelimi no amchipu phucheni, ikemu Jonah michipu nguno alau kütau michipu ye tsümo nani.” Tishino pa ye panoqo qhive no wuve.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

LESHELE 78:8

panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

John 8:41

Nongu ye nongu papu no shikeu kümla shiani.” Panongu no khochile, “Ningu ye tüqhanu kumoe. Ningu ye Apu lakhi likhi ani, ti ye Alhou ke”

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

ZEFANIA 3:7

I no pi, ‘Mtsüqheino no ye I sümsa nani; no ye shikithekütsü ikhilu nani. Tishino o kungo-a ye kütsamo nani eno o shou aghime ighimo nani.’ Ikemu panongu no alaushi pano kümla shipüsa kithe auveke.

XAKUTHAMI 2:19

Ikemu kugho kughomu xaküthau no thive kemtsa timiqo ye itaghi idechile aqau küxü lo ilove no pano puasüqo nguno alau alhoksa shikitheve che, eno alhou kütau mlla eno huthuuve cheke. Panongu ye pano lhoksa kümla ngo kuthovi keu lhoaye phevemoe.

ZAKINIU 9:24

I no nongu ithi ke tsalani no ishi kutolo nongu ye Ampeu hebide acheni.

ZAKINIU 4:16

tikumo aye nongu ye no sala kiukiu julho koghe, kiptimi na totimi namu, mlakeu lono nongu shikitiqelu nosae,

IPEKULU 32:7

Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

BOTHUBO 6:12

Julo, ayeghiqha shiküpsapu shi akeu Alhou no ithulu, kughengu ayeghiqha lo timi lhoxü kümtsü no pano laghi küsaküghapu shiveke.

Apostolmi 2:40

Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

ZAKINIU 4:25

“Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

AHOLE 8:8

I kichi lo tsa ye amikucho likhi eno kiumu tuchighive momu sabideve keu kühae.

ISAIAH 63:8

Kughengu Pa no pi, “Panongu ye Iw timiqo ke; I tianuli, kühakügha shimo nani.” Ikehu Pa no panoqow Xakuluu shive.