ZAKINIU 32:43 - Sumi Naga CL (Re-edited) Bible (BSI)

⁴³ “O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

BAIBEL (BSI)

⁴³ “Ashiayeh kutamiqo, nongu AMPEU wu timiqo sheqhe masae; Pano pithipuaghi kemi pano ghimeqhi nani. Pano aghumi shou amkhu lucheni eno pawu timiqo xine peivetsu cheni.”

ZAKINIU 32:43 Referans Kwoze

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

LESHELE 85:1

Ampeu, Nono O yeghi kimiyeqhiyi tsüke; Nono Jacob küakini kükümgha tsüchile.

JOB 13:24

No ye kushiye O gi küsüve no I pesü O ghümi toi kihi ani kea?

KUKAMI AKINIU 9:7

No ye Ahab o mpeu kibolomi heqhive masae, tishikeu lono Jezebel no pithive keqo I qemi tungkupmi ngo Ampeu qemi kümtsü ghenguno I no amkhü lunie.

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 18:2

Pa no asütsa kuloghi lono ighamku pi, “Ikiqivae, Babylon akijeu huye ikiqivae! Li ye tüghami kungo-a, mithekumo ghawu, mithekumo ghau, mithekumo eno aphikümqhüpu tüghashi jeli kümtsü kicheqho-a shivae.

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

Luke 19:27

Eno I ghümi ghengu ye, khunono I pelo pano yepeu shipenishi mono akeno, hile saghi no I zülono ghiqhivelo.’”

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

AKUMLO 2:5

Ampeu ye aghümi toivae; Pa no Israel munovae; tile kükaki kümtsü munovae; sükusho-aqo kütsaleve tsüae, eno Pa no Judah nga mloküsa ngo akumlo küghüsüve tsüae.

JEREMIYA 13:14

I no apu-anu dolo lakhino lakhi ghadaqhi kilepe nani, ipi Ampeu no sheshu. Ni ye panongu kütsamo no amlo ighiqhiyi püxüve momu kimiyeqhiyi keu shimo nani.’”

ISAIAH 19:25

ti ye aqokitikhi MPEU no ishi pino kümghatsü keu lono ke, “Egypt Iw timi, Assyria I u lo kümla, eno Israel I mheghi, akümghapu shilo.”

ISAIAH 19:23

Tipa tsala lo Egypt lono Assyria kutolo alaghi kuloghi auve no Assyriami no Egypt lo ighi, Egyptmi no Assyria lo wunani, eno küma kümtsa mlla nani.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

LESHELE 65:3

Kughou akipimi no ni mhoqhiveni keno Nono niw hekibide qhukimthe tsü cheni.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

LESHELE 58:10

Kughou amkhükulu ithulu keno amikuchomi no alovi nani; pa no kixikilami ji pelekeu lono apukhu qhu nani.

LESHELE 79:9

O je kipipu ghenguno ni kuphulo, O ni xakulu Lhou; O je lono ni xaphe tsülo eno ni xine lono shikimthe tsülo!

ISAIAH 1:24

Tighenguno Ampeu, aqokitikhi MPEU, Israelmiw Akughushuu no shuphe ani: “Ah, I no nongu I ghümi shou I loghu pukuni eno panongu shou amkhü luni.

ISAIAH 1:25

I no nongu shou I u ghapukuni eno nongu baghu kümtsü ayi ghukimthe keshi pitive tsüni.

ISAIAH 66:10

“Jerusalem gholo alovilo eno li gholo alopiqi lulo; nongu li kimiye chekemi; li sasü alovi küqhalo, nongu li ghenguno mloqa chekemi;

LESHELE 79:10

Kushiye shiyeqo pelo, “Pano Lhou khile ani kea?” ipi apeni kea? O qemiqo ji pele keu mkhükulu ye ningu nhethe lono shiye kümtsü pelo ithi pelo!

LESHELE 85:3

O loghu kümtsü süchileve; O mlo kighide külü lono Nono tsüghüve ke.

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

ISAIAH 60:6

Sayeshi loji kitikhi no nongu küzüluve nani, Midian ngo Ephah lo sayeshi tiqo, eno Sheba lono ighikha nani. Tipaqo lono ameshoyi ngo tsüngqüikeu ta xapu ighi nani, eno Ampeu shekiqhe, alokivi sütsa süghi nani.

JEREMIYA 51:36

Ikehu Ampeu no ishi piani: “Julo, I no nongu tsa küghatsü eno nongu mkhü lutsüni. I no Babylon züghi eno li züpukiqo qhaive tsüni,

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

EZEKEL 25:14

Iw timi Israelmi vecheo I no Edom shou amkhülu nani, eno panongu no Edom shou I mlokighide eno I loghu kiqi lono mla nani, panongu no I mkhükulu ithi nani, Ampeu Alhou no asheshu.