ZAKINIU 32:36 - Sumi Naga CL (Re-edited) Bible (BSI)

³⁶ Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

BAIBEL (BSI)

³⁶ AMPEU no pawu timiqo xaphelu nani tiye pano kuka kuhave keu pano ithulu kethiuno. Paqe chekemi shou pano amlo ighiqhiyi keu anani; tiye panoqoye akukuphu kuhakeu pano ithulu kethiuno.

ZAKINIU 32:36 Referans Kwoze

LESHELE 135:14

Kughengu Ampeu no Paw timiqo saphu nani, eno Pa qemiqo kimiyeqhiyi tsü nani.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

KUKAMI AKINIU 14:26

Kughengu Israelmi aqüaxemi na, ililai xükemi kümtsü no shishe ime akeu Ampeu no ithuluve; eno Israel kuphuni keu khumu kühave.

KUKAMI ATUGHIU 14:10

Tighenguno julo, I no shiküpsa Jeroboam kibo lo süghi no pa lagha lo kiptimi, aqüaxemi na ililai akemi namu, I no pithive tsüni. Timi no amishiba piti pühave ketoi I no Jeroboam lagha piti pühave tsüni.

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.

AMUS 7:6

Ampeu no hi süchileve tsü: “hi ghi shipe moae,” ipi Ampeu Alhou no pive.

AMUS 7:3

Ampeu no hi süchileve tsü: “Hi ye shipe moae,” ipi Ampeu no pive.

JOYIL 2:14

Khuu no ithi ani kea Pa mlo kilive no kükümgha süghi tsüluvi, eno Ampeu nongu Lhou mllalu pe kepushi athi ngo atsaizü kümllagho tsüluvi ke.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

LESHELE 50:4

Pa no Paw timi shou küghatha beniye atsütsü eno ayeghi kusü:

LESHELE 7:8

Ampeu no ashiayeqo shou xatha cheni; O Ampeu, I mikucho kiqi lono, eno I lolo akikhi akeu kiqi lono I shou küghatha lo.

KUKAMI AKINIU 9:8

Ahab kibolomi kümtsü püghave masae eno I no Ahab lagha lo kiptimi thaqhü, aghoshi xüche kemi na aqüaxemi namu Israel lono pühave tsüni.

KUKAMI ATUGHIU 21:21

Julo, I no o shou amhekiqi puwu nani. I no Ahab lagha lo kiptimi thaqhü, aqüaxemi ililai kemi kümtsü püghave tsüni.

ACHINE 26:43

Ikemu aghakhu lo küami ye ti qhive paghi masa, ayeghi ye timi kühano akulho qhilu masa, eno timiqo no I khuaye ngo Iw pimheye milive ke ghenguno shikithe masae.

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

IPEKULU 32:14

Ikehu Ampeu no Paw timi lau amhekiqi süghini pi akeu süchileve.

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

JOYIL 2:18

Tileno Ampeu no Pa yeghi ghenguno amlo piti eno Paw timiqo shou amloighive.