ZAKINIU 31:20 - Sumi Naga CL (Re-edited) Bible (BSI)

²⁰ Kughou I no pano puasü lau tushoqhi ketoi panongu sasü akichhizü ngo akhingozü no qowu akeu yeghi lo iloghini, eno panongu no achuqupu chunishi ke thaqhü chuno atha pubeiveni keno, panongu ye tsüghüsü kütau lhouqo mllauve nani, eno I milive no Iw puloshoqhi kubove nani.

BAIBEL (BSI)

²⁰ Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

ZAKINIU 31:20 Referans Kwoze

HOSIYA 13:6

ikemu kughou panongu no chusholu keno, panongu ye aghakiqi shiluve kehu I kümsümave ke;

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

EZEKEL 34:20

“Tighenguno Ampeu Alhou no ishi piani: Julo, Ni ampi no ambe atha kupuu eno aghi kümsa keu dolo küghatha nani.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

JEREMIYA 50:11

“O I mheghi xüpuwuve keqo, nongu no alovi amloqi anamu, amshiti no aluza lo ilhe akeshi, khurshitsü no igha keshi anamu,

LESHELE 119:70

pano mlo ye vethakulu kühae ikemu ni ye O yezah lo I züvülu cheni.

LESHELE 73:7

Atha kupu no pano nhethi ye shengulei ipeghi; panoqo mlo ye mbomzü no qole-qole acheni.

LESHELE 17:10

Panongu ye kikimiye lono pano mlo khathavae; pano kichi lono panongu no aqheküza shi picheni.

NEHEMIA 9:35

Pano kükaqha lou ghi, eno Nono akivi kije pano tsüke ghi, eno kinikülü yeghi kije pano tsüke ghi, panongu ye O qemo momu pano xeküsü kümla lono ideighi moe.

ZAKINIU 8:7

Kughengu Ampeu nongu Lhou no aghüma yeghi lo nongu sailoni cheni, ayeghi tipau ye aghoki eno azüpuki akeu eno ayeghi qhou züpuki no akhila ngo naghuto lono ipeghi anie;

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

ZAKINIU 8:19

Tsala nongu no Ampeu nongu Lhou pheve no kütami lhouqo pape eno huthu mllauve aye, ishi tsala lono I no nongu lau mtütüi pive anike nongu ye pühave nani.

ZAKINIU 11:16

Nongu mlo pishiqhive nosa, eno tsüghüsü kütau lhouqo mlla eno qeuve nosake kutokupui lo;

ZAKINIU 11:17

tikumo aye, Ampeu no nongu shou amloideve no tsütsüghu süchile luve no ayeghi no axathi pithi move nani, eno nongu ye Ampeu no nongu tsüniye akeu aghüma kivi yeghi lono pai püghave nani.

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

ZAKINIU 6:3

Tighenguno, O Israel, inilo, eno pükapütsa pelulo, tino nongu kivipu shilu nani, eno Ampeu ni puasü Lhou no tushoqhive ketoi, nongu ye akichhizü ngo akhingozü no qole akeu yeghi lo shishe ikowolu nani.

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

HOSIYA 6:7

Ikemu Adam toi panongu no puloshoqhi hebideve; tilau panoqo ye I pükhü mlave.