ZAKINIU 31:17 - Sumi Naga CL (Re-edited) Bible (BSI)

¹⁷ Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’

BAIBEL (BSI)

¹⁷ Kughono tipau shini keno niye panoqo lau amlo ideve nani; ino panoqo qhiveno panonguye kutsaleve nani. Kutsakungo keu akumsapu kutomo panoqo shou ighi nani eno tithiuno panonguno kumsuchilelu nikeuno hipaqo panongu shou shikeuye ni pano Lhou ye panoqo gholo achemove ake ghenguno kena ipi ithi nani.

ZAKINIU 31:17 Referans Kwoze

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

LESHELE 104:29

Kughou Nono O gi küsüveni keno, panongu ye aghüthisüve cheni; kughou Nono panoqo tuthu ikhiluveni keno, panongu ye thive cheni eno ayeghimkhu shive cheni.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

XAKUTHAMI 6:13

Gideon no pa vilo pi, “I mpeu, I pelo inijulu pelo, Ampeu no ni gholo aniaye kushiye hi kümtsü ni pelo sholu anipe kea? Eno ni puasü no Paw akümzapu kümla ghili, ‘Ampeu no Egypt lono ni saipeghi ke kumo keshea?’ ipiche keqo khile ani kea? Ikemu itehi ye Ampeu no ni phevae eno ni pesü Midianmi u lo süve tsüae.”

AKIKIHI 14:42

Ampeu ye nongu gholo kühake iqho kevilo, tikumo aye no ghümi zülo ikiqive nanie.

JEREMIYA 23:33

“Timi hipaqo gholo lakhino, momu tungkupu, achinemi lakhino o vilo, ‘Ampeu pekimshi ye kiu kea?’ ipi ighiju aye, panongu vilo pilo, ‘Ape kimshi ye no ke, I no o peve nani, ipi Ampeu no sheshu ani.’

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

LESHELE 30:7

O Ampeu, O mlo kiqishi Nono Iw naghuto pesü mtotoi shitsü; Nono O gi küsüve kelo; Ni ye aghüthi süve.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

HOSIYA 9:12

Panongu no atianuli saputhu namu I no pano mlo ghujushi pithikhave tsü nani. Kughou I no panongu qhiveni keno panongu ye ahasapue!

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

JEREMIYA 23:39

julo, I no kuchou no nongu ikhiqhepe I nhethe lono peveni, no eno o puasüqo tsükeu mishighüna ghi peveni.

ISAIAH 63:17

O Ampeu, No ye kushiye ni pelo O laghi vezüvepe ani, eno kushiye ni mlo shikümkave tsü ani kea? Eno kushiye tishikeu lono ni pelo O sümsa movepe kea? O qemi, O mheghi shiye ghengu likhi nomu ideighi tsülo.

LESHELE 90:11

Khuu no O mlo kighide küka ithi ani kea? Kughengu O loghu ye O sümsa masa kepu qhemi ke.

LESHELE 89:46

O Ampeu, khitohi kea? No ye alhokupuju itshüveni keshea? Khitohi O loghu ye ami toi iqü anani kea?

LESHELE 27:9

I launo O gi küsüve kevilo. O No khuu I kuphu ighive akeno aloghu lono O qeu hachile puwove tsü kevilo. O I xakulu Lhou, I haphe kevilo; I pheve tsü kevilo.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

JOB 34:11

Kughengu milakhi kümla kiqi lono Pa no tsüchile nani; eno pa küxü laghi kiqi lono Pa no ajume tsünani.

JOB 13:24

No ye kushiye O gi küsüve no I pesü O ghümi toi kihi ani kea?

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

YEKIKITHI AKINIU 24:20

Tile Alhou Ghungu no achineu Jehoiada nu Zechariah peitha luve, eno pa no timiqo zülo puthugho no ighamku pi, “Alhou no ishi piani, ‘Nongu ye kushiye Ampeu no azah tsükeu hebideve keu lono ikoishe mlave ani kea? Nongu no Ampeu pheve kehu Pa no nongu phevae.’”

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

ZAKINIU 31:18

Ikemu tipa ghuloki lo I no panoqo launo I gi küsüve nani, kughengu panongu no alhoksa kümtsü shino kütau lhouqo mllauve ke.

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

KUKAMI ATUGHIU 8:57

Ampeu Alhou no ni puasüqo gholo acheke toi ni gholo apeni. Pa pelo khilemu ni pheve momu kümsümave pemoniu.

KUKAMI AKINIU 22:13

“Wulo, eno kaku hipau lo yepüa keu kiqi lono ni eno timiqo ghenguno, eno Judah timi kümtsü ghenguno Ampeu lau ighiju lo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape movae, eno ningu ghenguno yepüa tsükeu kiqi lono xümovae.”

ISAIAH 2:6

No Ampeu ye kuchou no Ow timi Jacob laghami kileqhivae, kughengu panongu ye kipelau küdüu lhoaye eno Philistiami toi tuumi pülü keu no chhivae, panongu no inaghami sasü au küküsü luvae.

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

JEREMIYA 40:2

Kepten no Jeremiah saluve no pa vilo pi, “Ampeu no Lhou no a-a hipau shou amhekiqi shuphe ke.

HOSIYA 10:4

Panongu no atsa likhi piqhi; abokümsa shoqhi pesü panoqo no puloshoqhi shie; ikehu küghakütha no hokideve keu lulo tüghü lupi ipeghi ketoi toi thuipeghi ani.

MICAH 3:4

Tileno panongu no Ampeu lau qasü ighi nani, ikemu Pa no khochilemo nani; tipa ghuloki lo Pa no panongu launo Pa gi küsüve nani, kughengu panongu no küsakügha kümla shive ke.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

ZAKINIU 30:18

I no ishi tsala lono nongu kütüghü anike nongu ye mtsüqheino kütsave nani. Nongu ye Jordan katha iku ngoniye akeu yeghi lo ado kushuo xümla nani.

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

YEKIKITHI AKINIU 21:10

Ikehu ishi kutolo Edommi ye Judah yekipe sasü kumjo acheni. Tipa ghuloki lono Libnah ghi Judah sasü kumjo ipeghive kughengu Jehoram no Ampeu pa puasü Lhou pheve ke.

LESHELE 44:10

Nono ni pelo ni ghümi launo idechile wuvepe, eno ningu mithi chekeqo no nino xulelu keu thime luve tsüae.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

JEREMIYA 33:5

Panongu ye Chaldeami sasü aghü shinike cheni, ikemu I mlokighide eno I loghu lono ghiqhive kemi kithi kumo no chhitoive nani, kughengu pano kümla lhoksa ghenguno I no mishighüna hipau lono I gi küsüluve nani.