ZAKINIU 30:19 - Sumi Naga CL (Re-edited) Bible (BSI)

¹⁹ Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

BAIBEL (BSI)

¹⁹ Ino itehino nongu pelo akuxu ngo akithi kuma dolo, Alhou kukumgha ngo Alhou wu musuini keu kuma dolo kishekulupu tsuani eno nonguno kishelu keulo thopi shipenike ino kungugha ngo ayeghi kusu ani. Akuxupu kishelulo.

ZAKINIU 30:19 Referans Kwoze

ZAKINIU 30:15

“Julo, ishi tsala lo I no nongu zülo aküxü ngo akivipu, eno akithi ngo alhoksa qhitsü ani.

ZAKINIU 11:26

“Julo, ishi tsala lono I no nongu zülo kükümgha ngo angusüpu qhitsü ani:

LESHELE 119:30

I no pükhükulu laghi kisheluvae; I no Ow pimheyeqo I zülo qhipüani.

AHOLE 8:36

ikemu khuu no I phumoni keno pa likhi pa ghüzavae; I mithi chekemi kümtsü akithi kimiye cheni.”

ZAKINIU 30:1

“Kughou I no nongu zülo qhitsü akeu kükümgha eno müsüini keu hi kümtsü nongu shou ikughini, eno Ampeu Alhou no nongu hape shiyeqo gholo puwuve keu-a lono ti kümsü luni keno,

Luke 10:42

ikemu thime lakhi avehupu shi ani. Mary no asaje aloke kishe luvae, eno li launo ti luve tsümo nani.”

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.

LESHELE 119:173

I kuphu kepu shi O u kutope ngo tsülo, kughengu I no O zakütsüqo kisheluvae.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

ZAKINIU 31:28

Alagha lo sakiphemi ngo kijemi kümtsü I zülo hekütsü lo, I no hipaqo pesü panongu vilo pini, eno panongu shou thopi shipenike kungugha ngo ayeghi kusüni.

LESHELE 119:111

O zakütsüqo ye lhokta kutolo I mheghi ke, kughengu tipaqo no I mlo lo alokivi süghi tsü cheni.

ZAKINIU 32:1

“O kungugha, I no atsa pinike inilo, eno ayeghi ghi I tsa inilo.

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

AHOLE 1:29

Kughengu panongu no akighithi mithi eno Ampeu sükümsa kishelumo,

ISAIAH 56:4

Kughengu Ampeu no ishi piani: “Shokomi khuu no Iw Sabbath ikhilu cheni, I pulou kümla shi cheni eno Iw puloshoqhi mtotoi pecheni keno,

BOTHUBO 2:17

ikemu no ye akivi ngo alhoksa kighithi sübo loye chumoni, kughengu tipau chuke tsala lono no ye mtsüqheino thive nani.”

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

ZAKINIU 4:6

Tipaqo pelu lo kughengu ashiayeqo zülo tino nongu lokütsüpu eno vethakulupu shinani, panongu no tipaqo chilu no pi nani, ‘Kuchou no shiye kije hipau ye alokütsü eno vethakulu timiqoe.’

ZAKINIU 30:16

Tsala ishi tsala lo I no Ampeu nongu Lhou zakütsü nongu tsü akeu nongu no papelu eno nongu no Pa kimiye, Pa gholu eno Pa zakütsü, akhuaye eno pimheye kümtsü pelu aye, nongu ye xülu nani eno kughuko luno nongu no ngoniye akeu yeghi lo Ampeu nongu Lhou no kümghatsü nani.

JEREMIYA 21:8

“Timi hipaqo vilo pilo: ‘Ampeu no ishi piani: Jualo, I no nongu zülo aküxü ngo akithi laghi qhitsü ani.

ZAKINIU 4:25

“Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,

ZAKINIU 6:2

tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’

AHOLE 9:11

Nongu küxü mpe ye I vecheo küghüsülu eno küphalu nani.

AHOLE 12:28

Amikuchomi laghi ye aküxüpue, eno tipau la loye akithipu kühae.

JEREMIYA 42:21

Ikehu I no ishi tsala lono nongu vilo pive tsüae, ikemu nongu no Ampeu nongu Lhou no I vecheo nongu vilo pikeu tsa lumovae.

EZEKEL 20:11

I no I yezah panoqo tsü no Iw pimheyeqo panongu pelo ithipe, tipau vecheo milakhi no ti papelu aye, pa ye xülu nanie pi ithipe.