ZAKINIU 28:7 - Sumi Naga CL (Re-edited) Bible (BSI)

⁷ “Ampeu no aghümi nongu leighi kemi nongu zülono theqhive tsü nani. Panongu no ala lakhi lono nongu leighi namu ala tsüni lono pove nani.

BAIBEL (BSI)

⁷ “Aghumino nongu haleighi keu AMPEU no leluvetsu nani. Panonguno aqha lakhi kudauno nongu haleighi nani ikemu panonguye nongu launo apanagha pokepu shinani.

ZAKINIU 28:7 Referans Kwoze

LESHELE 89:23

I no pa zülono pa ghümi munudaqhi no pa mithi chekemi hekulu qhive nani.

YEKIKITHI AKINIU 19:4

Jehoshaphat ye Jerusalem lo ache. Pa no itaghi Beersheba lono Ephraim ghakhu ato yeghi kutolo timiqo lau wuno panongu sasü Ampeu pano puasü Lhou lau saghi.

JOSHUA 8:22

Eno kütami no aphughi lono ipeghi no panongu lethuve kelo panongu ye Israelmi dolo ngove, khami no hi küdau eno khami no hu küdau shi botha luve. Tishino Israelmi no kümtsü ghiqhi khave no lakhimu püxümo momu pupomoe.

ZAKINIU 28:25

“Ampeu no nongu ghümi pelo nongu shou toluvepe nani. Nongu no ala lakhi lono panoqo lewu nani ikemu ala tsüni lono panongu zülono kuhapo nani. Ayeghi lo kükaqha akeu kümtsü no nongu shou kiu shiani keno ithulupe thüghüi nani.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

ZAKINIU 28:6

Now ikipe ikulo lo kümtsü kümghatsü nani.

ZAKINIU 28:8

Ampeu no nongu biale kümghatsü eno no kümla küghütha kümtsü kümghatsü nani. Pa no nongu tsü akeu yeghi lo nongu kümghatsü nani.

JOSHUA 23:10

Nongu dolo milakhi no timi qhethonhe haleve, kughengu piqhi püake toi Ampeu Alhou no nongu ghenguno aghüshi tsüke.

KUKAMI AKINIU 7:5

Ikehu züghüi ake lono panongu no ithu Syriami ghazü lo wuve, ikemu panongu no aghazü phivilo ighi kelo khumu kühave aghi.

LESHELE 18:38

I no panoqo jipilive, ikehu panongu ye ithughi mlave; panongu ye I pukhu qholo ikiqive.