ZAKINIU 28:65 - Sumi Naga CL (Re-edited) Bible (BSI)

⁶⁵ Shiye hipaqo gholo nongu ye iqüghai mla nani, eno nongu pukhu ghenguno akulhokiqhi-a küha nani, Ampeu no akümsa mlo, lajupu kühave keu nhethi, eno aghüthiküsü mlo tsü nani.

BAIBEL (BSI)

⁶⁵ Nonguye khipa-alo mu iqughai keu sholumo nani, a-a lakhimu nowu kepi pimla nani; AMPEU no kutakihi keu, lajupu kuhakeu eno avekusa pesu nongu kuzupholuve nani.

ZAKINIU 28:65 Referans Kwoze

ACHINE 26:36

No ghümi yeghi lono I no nongu xüakemi mlo shikulotive tsünani. Asü nipa fupe chekeu sütsa no panongu shikümsa azütakikihi zülo poche keshi kuha nani, eno khumu hachemo keghi iluqi nani.

Rommi 11:10

panongu nhethi züve no ithulupe kevilo, eno alholo pano ghütsü qaqhi tsülo.”

AMUS 9:4

Aghümi no panongu sasü akughu lo wuve namu, tilauno I no azütakikihi azah tsüno panoqo ghiqhive nani; Alo kelauno kumono alhoksa lono I no thüghüi panongu ju anani.”

ACHINE 26:16

I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

BOTHUBO 8:9

Ikemu miqhedu huye pa pukhu nepe ngolu kepu-a ithulu move, eno idechile ashuka lo pa lau ighive, kughengu azü ye ayeghi lo iqüilo khamono ake. Ikehu pa no pa u chhopipe no miqhedu küghaluve no ashuka alou pa gholo sailoghive.

Luke 21:26

Timiqo no ayeghi lo kiu chea keno kümsü juno akümsa lono ikiqi thiuve nani. Kughengu atsütsü qholo aküka jeli akeqo süküghütha nani.

MATTHEW 24:8

Hi kümtsü apunu küsü hukuthu likhi aphie.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

AKUMLO 3:65

Nono pano mlo küzüpho tsü nani; O ngusü no pano shou anani.

ISAIAH 65:14

Julo, I qemiqo no amlo lono alokivi le phe nani, ikemu nongu ye amlo sakütü ighaqa nani, eno alolo itapinyi mloqa nani.

ISAIAH 57:21

Alhou no piani, Kixikilami ghenguno aloino keu kühae.”

ISAIAH 51:17

O küdaputhulo, o küdalo, O Zion, puthugho lo, nongu khunoqo Ampeu loghu jukhu lono shojuve akeno, nongu no tipau yekhave eno tipau no o pelo izüvuive peke.

ZAKINIU 28:66

Nongu ye ighüqhiyi xünani. Putho pucho nongu ye msaichi eno aküxü pülümo ghi xünani.

JOB 11:20

Ikemu küsaküghami nhethi ye zamemeive nani; panongu ye pokulupu laghi lakhimu kühave nani, eno pano tuthu kishekha luni keu no panow lajupu shi nani.

AKUMLO 1:3

Akaghashi mlape eno pishipuju keu ghenguno Judah ye hakiphi sawuvae; itehi li ye shiyeqo dolo xü ani, eno akulhokiqhi-a ithulu amoe; li no aghime kitikhi shiake lono li hache kemi no li botha luvae.

AKUMLO 5:17

Hi ghenguno ni mlo ye sü ani, hi ghenguno ni nhethi ye zamemeivae,