ZAKINIU 28:52 - Sumi Naga CL (Re-edited) Bible (BSI)

⁵² “Panongu no nongu phughi kümtsü khasü luve nani, eno nongu no pükhübe chekeu aliwo qhemghai putu püakeu kümtsü ikiqive nani. Ampeu nongu Lhou nongu tsükeu yeghi lo panongu no nongu phughi kümtsü lo nongu khasüve nani.

BAIBEL (BSI)

⁵² Panonguno AMPEU Alhou no nongu tsuakeu yeghilo taun akeqo kumtsu leighi nani eno nonguno pukhupe akeu aliwo qhemghai putu puakeqo kumtsu ikiqive nani.

ZAKINIU 28:52 Referans Kwoze

MATTHEW 22:7

Akükau no axuidepe paw ghüshimi puwu no hekiqhimi tipaqo pithive eno pano phughi pitive tsü.

ZEKHARIA 14:2

Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.

ZEKHARIA 12:2

“Julo, I no Jerusalem pesü hokümxa lo ashiaye kümtsü lau hevülalai keu jukhu lakhi shi tsüniye ani. Jerusalem leluve aye Judah ghi qhasü luve nani.

DANIEL 9:26

Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

JEREMIYA 37:8

Eno Chaldeami no idechile ighi no mishighüna hipau sasü aghüshi nani. Panongu no mishighüna khasüluve nani eno ami no pitive nani.

JEREMIYA 10:18

Kughengu Ampeu no ishi piani: “Hipa ghuloki lono I no ayeghi hipau lo xüküami haleveni, panongu pelo michelu penike I no kütakihi keu süghi nani.”

ISAIAH 62:8

Ampeu no Pa u ajeu eno Pa u kumto shou no ashoqhi hitoi shivae: “Hinguno hilau ye nongu thi pesü no ghümi tsümae eno inaghami ye no tsaizü shope moae;

ISAIAH 1:7

No ghakhu ye yenguyelei ani; no phughiqo ye ami no piti ani; inaghami no nongu küa lono no yeghi kütsave tsüae; tüsümi no leluve no pighive keshivae.

KUKAMI AKINIU 18:13

Akükau Hezekiah yepe mpe chighiabidiu lo Assyria kükau Sennacherib no ighi no Judah lo aliwo kumto mishighüna kümtsü leluve.

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

ZAKINIU 28:51

Panongu no nongu tsüaqu no ati piti keqo ngo now tüxatini chukhave tsü nani eno nongu kütsakungo nani. Panongu no nongu pühave moke kutolo now athi, atsaizü, thazü, amishi, ambe eno aneqo kiumu qhitsü mono luvetsü nani.

KUKAMI AKINIU 6:29

Ikehu nikujo küqhano I nu lho chuvae. Eno thoghiu ye I no li vilo pi, ‘O nu chu kepushi, tsülo.’ Ikemu li no anu küsüve.”

JEREMIYA 10:17

O nhemgha xukumqo lulo, O, khasüve keu phughi!

AKUMLO 2:2

Ampeu no küpükini kühano Jacob kungoa kümtsü kütsavae; Pa no Judah sükusho-aqo Pa loghu lono kubove tsüae; kükaqha eno tile yepemi Pa no akukujopu shi ayeghi lo sünhe saiqighivae.