ZAKINIU 26:5 - Sumi Naga CL (Re-edited) Bible (BSI)

⁵ “Tishino Ampeu zülono nongu no ishi pini: ‘I puasü ye kupokichemi Arameami. Pa ye Egypt lo iqi no tilau thilishi ache, ikemu tilauno pa ye shiye kije, akumto, eno anoghi shive.

BAIBEL (BSI)

⁵ Tipathiu AMPEU gizu lono nonguno atsa hipaqo pikibewolo: ‘Ipuasuye Aramiami lakhike, itsu itsuche kemi pa kibolomi sasu Ijip lo kughuna niye wuke. Panonguno tilau wuke ghulokilo panonguye aghulo likhike ikemu akuka kumto eno anoghi shiayeh lakhi shiluve.

ZAKINIU 26:5 Referans Kwoze

ZAKINIU 10:22

Nongu puasüqo ye Egypt lo pano lhotsüni likhi iqie, ikemu itehi ye Ampeu nongu Lhou no nongu pesü atsütsü lo ayepu jehi shive tsüae.

BOTHUBO 46:27

Joseph nu Egypt lono pa lau punu tsükeu no pamae. Jacob kibolomi, khunoqo Egypt lo ighi keno panongu ye aqolo lhotsüni.

BOTHUBO 31:20

Jacob no pove niye akeu Arameami Laban vilo pimove keu lono pa ye Laban pishiqhive.

BOTHUBO 45:11

I no nongu sala tsü nani, kughengu ampe pungu püqümiye ighini aphi, tishianguno nongu eno no kibolomi, nongu no pighi akeqo ye athokha amüha shivemo nani.’

BOTHUBO 45:7

Ikemu Alhou no nongu ghenguno ayeghi lo ghükulumi qhitsü niye, eno küxümi kutomo qhitsü niye nongu züuno I puwuve ke.

BOTHUBO 43:12

Nongu u lo pisa püzüu jehi kini küghüsü no pewulo. Nongu pulukho kichi lo süchile püaghi keu pisa nongu gholo pechile wulo. Ti ye juzüve keu shi aghiluvi ke.

BOTHUBO 31:24

Ikemu putho lo Alhou no asamou no Arameami Laban lau ighi no pa vilo pi, “Jacob vilo alhoksa momu akivi kiumu pimo kepushi kutokupui lo.”

Apostolmi 7:15

Jacob no Egypt lo iqive, pa eno ni sünoqo ghi tilano thive,

HOSIYA 12:12

Jacob no Aram yeghi lo pove; tilau Israel ye anipu ghenguno hukuthu kümla shino ambeqo jukuto ache.

BOTHUBO 25:20

eno Isaac no ampe lhobidi shi akelono Arameami Laban pafo, Rebekah, Paddan-aram lo Arameami Bethuel nonga, pa nipu shinike luve.

BOTHUBO 24:4

ikemu I ghakhu eno I bolomi lau wuno anipu lakhi I nu Isaac ghenguno lutsü lo.”

ZAKINIU 7:7

Nongu no kütami nguno kutomo kehu Ampeu no nongu kimiye eno kishelu ke kumoe, kughengu nongu ye ashiayeqo kümtsü dolo aghuloue.

IPEKULU 1:12

Ikemu panongu no Israelmi ala ghime aye, Israelmi no alaushi kighishe wove eno alaushi inaghau qhawove.

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

IPEKULU 1:5

Jacob tikughukomi kümtsü kelo pano lhotsüni; Joseph ye azüu no Egypt lo ngo aghive.

BOTHUBO 47:27

Ikehu Israel ye Egypt lo Goshen yeghi lo küghünave. Eno panongu ye tile amheghi ala shiluve, eno athi pithilu no shishe kughuko luve.

BOTHUBO 31:40

Puchou no akülü no I ghaqhi, putho lono akumko no pichiqhi, eno I nhethi miyiqhi mono tilau ache.

BOTHUBO 28:5

Ikehu Isaac no Jacob puwuve. Eno pa ye Paddan-aram lo Jacob ngo Esau pama paza Rebekah peu, Arameami Bethuel nu Laban lau wuve.

BOTHUBO 27:41

Kükümgha khipau pesü Isaac no Jacob kümghatsü keno tipau ghenguno Esau no Jacob mithive, eno Esau no pa ampi vilo pi, “I pu ghenguno mloqa kepu tsala ye kupunu wocheae; tithiu ye I no I thiküzüu Jacob heqhiveni.”

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 47:4

Panongu no Pharaoh vilo pi, “Ningu ye ayeghi hipau lo kachena shi ighi ani, kughengu o qemiqo tsü-aqu ye atsüni mzachu kepu kühavae, kughengu Canaan yeghi lo shishe püqümiye anie. Ikehu itehi, kimiyeno o qemiqo pelo Goshen yeghi lo küghünalu pelo.”

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 26:4

Tishino achineu no nongu u lono ashoghi ikhipe Ampeu nongu Lhou kümlla khache lo qhiveni.

HOSIYA 12:13

Tungkupu vecheo Ampeu no Egypt lono Israel saipeghi, eno tungkupu vecheo pa jukuto.