ZAKINIU 25:19 - Sumi Naga CL (Re-edited) Bible (BSI)

¹⁹ Tighenguno, kughou Ampeu Alhou no nongu mheghi shitsü akeu yeghi lo nongu no ngoluve eno no sükümxa lo akemi launo akulho qhiluni keno, nongu ye ayeghi lono Amalekmi shipühaveni; hi kümsüma kevilo.

BAIBEL (BSI)

¹⁹ Tighenguno, kughou AMPEU nongu Lhou no ayeghi nongu tsuveni keno eno no ghumi nongu suhope akemi kumtsu launo nongu xapheluveni keno, thebeino Amalekmi kumtsu pithikhaveni keu ithilo, tishianguno khuu pelomu panoqo kumsulu pemonike. Hipau kumsuma kevilo!”

ZAKINIU 25:19 Referans Kwoze

IPEKULU 17:14

Tithiu Ampeu no Moses vilo pi, “Kümsümamo kepu shi hipau kaku lo yepe qhilo, ti ye atsütsü qholo Amalekmi kümsümave penike I no qhoi pühave tsü nanie pi Joshua kini lo hipau pisü tsülo.”

SAMUEL ATUGHIU 14:48

Pa no akumtoshi Amalekmi theqhi luve, eno khunono pano pükaqhi chekeno tipaqo u lono Israel xaphelu.

ZAKINIU 9:14

I lakha kevilo, Ni ye panongu kütsave no atsütsü qholono panongu je pühave tsüniae. Tithiu no I no o pesü panongu nguno shiye kuloghi eno akumtou shitsüni.’

IPEKULU 17:16

eno pi, “Kughengu Ampeu kükalakhü shou au peqhe ke! Ampeu no tiqheli lono tiqheli kutolo Amalekmi sasü aghü shi nani.”

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

ESTHER 3:1

Hipaqo thiu Akükau Ahasuerus no Agagmi Hammedatha nu Haman xaqheve eno paw hiyampemi khunoqo no pa gholo akeno panoqo kümtsü nguno akiqheu kükalakhü lo pa süqheve.

YEKIKITHI ATUGHIU 4:43

Panongu no Amalekmi khunoqo itshüsü pove no ghülu keno, tilau aghi keqo theqhive, eno ishi kutolo panongu ye tile xü achephi.

SAMUEL ATUGHIU 27:8

David ngo paw timiqo no wuno Geshurmi, Girzimi, eno Amalekmi lewu, kughengu hipaqo ye inahuu no, Shur ngo Egypt yeghi kutolo xüsüve kemi ke.

JOSHUA 23:1

Ampeu no Israelmi pano hokümxa lo aghümi launo akulho qhitsü keu ado kushuo thiu, Joshua ye ighono kitemi shive.

JOSHUA 7:12

Tighenguno Israelmi ye pano ghümi zülo puthugho mlavae. Panongu no aghümi launo shothivae kughengu panongu ye pano ampi kütsaveni keu lo tsüvae. Nongu no kütsave kepu nhemgha kütsa moke kutolo Ni ye nongu gholo ngomae.

JOSHUA 6:3

No eno ow ghüshimiqo no mishighüna hipau ghuthu lakhi homxalo. Eno titoi atsala tsügho dolo ghuthu lakhikhi homxalo.

IPEKULU 33:14

Ampeu no pi, “I no o gholo wunani, eno akulhokiqhi o tsü nani.”

ZAKINIU 12:9

kughengu nongu ye Ampeu Alhou no akulhokiqhi eno amheghi yeghi tsü akeu lo iloghi mphie.

ZAKINIU 26:1

“Ampeu nongu Lhou no nongu mheghi shitsü akeu yeghi lo ngoluve eno tsaqüi xüsüve kethiu,

JOSHUA 11:23

Ampeu no Moses azah tsüke toi Joshua no ayeghi kümtsü leluve. Pa no ti kümtsü pesü Israelmi pelo amheghi shilu penike ashiaye kiqi lono kijeve tsü. Tishino tipa yeghi ye aghükishi lono akulho qhiluve.

ZAKINIU 3:18

“Tipa ghuloki lo, I no nongu azah tsü, ‘Ampeu nongu Lhou no ayeghi hipau pesü nongu tsüvae. Ikemu now aghütomi kümtsü aghü nanu xapu nongu thiküzümi Israelmi züuno Jordan katha ikulo.

ZAKINIU 21:23

pa kumo ye puthotsü tishi asübo lo qhimoni, ikemu tipa tsalani no pa shiqhoveni, kughengu tshüqhive keu timi ye Alhou no müsüinivae. Ampeu no nongu mheghi shitsü akeu yeghi tino shipüthave moni.