ZAKINIU 25:1 - Sumi Naga CL (Re-edited) Bible (BSI)

¹ “Tsala mikini atsa kügha nike küghaki lo wukelo, küghaküthau no lakhi no pimiha eno lakhiu no küqüve keu pitsü kelo,

BAIBEL (BSI)

¹ “Israilmi mikini atsa kughanike kughakilo wukelo milakhiye pimimo eno lakhiuno kuquvekeu pitsu kelo,

ZAKINIU 25:1 Referans Kwoze

AHOLE 17:15

Kixikilami pesü achipiu shivetsü keu ngo amikuchomi kileve keu pamagha Ampeu zülo aphikümqhüpue.

MATTHEW 3:10

Itehi mu amüghü ye asübo philo qhipüani, eno axathi kivi pithimo keu sübo ye yeqhipe ami lo vesüve nani.

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

HABAKUK 1:13

Ow tsüghükhüi keu nhethi ye alhoksa eno akumou shou jupukulu chemoke kushiye thekuchumi shou inaqhoi jupuku, eno küsaküghami no pa nguno amikuchomi munove kelo iqünhei ngove cheni kea?

HABAKUK 1:4

Ikehu ayezah ye avehu shimovae, eno kuchou xakütha ye kühavae. Kughengu kixikilami no achipiu mikuchomi süho luve akehu kuchou xakütha ye tuchighivae.

EZEKEL 44:24

Aküküpna lo panongu no xaküthami shini, eno Iw küghakütha kiqi lono küghathabeni. Panongu no Iw tiqhetini kümtsü lo I yezah eno akhuayeqo papeni, eno akimthe shi Iw Sabbath papeni.

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

ISAIAH 5:23

külügho ghenguno küqüve keu pheve no pimimo keu chipiu luvetsü kemi hasapue!

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

IPEKULU 22:9

Amshitsü, khurha, ambe, ane, hebephi, momu kiu kiumu pühave keu achipikumo lono qhipüaghi kelo, khuana no, ‘Hi ye Iw ke,’ ipi aye, amqo kini küküpna ye Alhou zülo süghini. Alhou no khuu kileveni keno pa no tipa qhemi kini pesü pa kisüghüu lochileni.

ZAKINIU 17:11

Panongu no mijetsü eno shuphe tsükeu kiqi lono shilo. Nongu ye xakütha tipau lono ajeumu piyiumu tsüghüve moni.

ZAKINIU 24:22

Nongu ye Egypt lo aqüaxemi shi ache eno Ampeu nongu Lhou no nongu xaphelu kepi kümsülu lo; tighenguno hitoi shilopi I no azah nongu tsü ani.

KUKAMI ATUGHIU 8:32

kungugha lono ini tsüno o qeu lau küghatha tsülo eno küqüve keu ghime lo, ikemu amikuchou ye pa mikucho kiqi lono asaxü tsülo.

ISAIAH 5:20

Alhoksa pesü akivi, eno akivi pesü alhoksae pi kemi, aküzü pesü aküvü lo qhi no aküvü pesü aküzü lo qhi kemi, akukhu pesü akungo eno akungo pesü akukhu ipiche kemi hasapue!

AKUMLO 3:35

Shishe Akiqheu zülono kuchou xakütha miliveni keu,

AKUMLO 3:36

milakhi tsa kükügha süchighi keu ye Ampeu no pulomoe.