ZAKINIU 23:7 - Sumi Naga CL (Re-edited) Bible (BSI)

⁷ “Edommi jumithi moni, kughengu panongu ye nongu thiküzümi ke. Egyptmi jumithi moni, kughengu ghuthu lakhi lo nongu ye pano yeghi lo kachenami shi acheke.

BAIBEL (BSI)

⁷ “Edommi jumithi kevilo; panonguye nosholokumiqo ke. Ijipmi jumithi kevilo, ghuthu lakhilo nonguye pano yeghilo xuacheke.

ZAKINIU 23:7 Referans Kwoze

ZAKINIU 10:19

Tighenguno kupokichemi kimiye lo, kughengu nongu ye Egypt lo kupokichemi shi acheke.

IPEKULU 22:21

“No ye kupokichemi pimi moni momu nedaqoda moni, kughengu nongu ye Egypt yeghi lo kupokichemi shi cheke.

ACHINE 19:34

O küsami Israelmi toi pa peithani eno o likhi o toi pa kimiyeni. Kughengu nongu ghi Egypt lo kupokichemi shiche ke: Ni ye Ampeu nongu Lhou ke.

IPEKULU 23:9

“No ye inaghami peitha püsa moni. Nono inaghami mlo ithi anie, kughengu nongu ghi Egypt yeghi lo inaghami shi acheke.

AKIKIHI 20:14

Moses no Kadesh lono Edom kükau lau aghinimi puwu no pipe, “O thiküzüu Israelmi no ishi pi ani: Ningu no akijiksa ghime sholu keu nono ithi ani:

BOTHUBO 25:30

Esau no Jacob vilo pi, “I pelo huchuyi keu yekulho hipau chulu pelo, kughengu ni ye amzü no thiqhivae!” (Tighenguno pa je ye Edom kuve tsüe.)

MALAKI 1:2

Ampeu no pi, “I no nongu kimiye ke.” Ikemu nongu no pi, “No ye kishi ningu kimiye kea?” “Esau ye Jacob pamu kekumo?” ipi Ampeu no asheshu. “Ikeghi Ni ye Jacob kimiye

LESHELE 105:23

Tithiu Israel no Egypt lo ighi; Jacob ye Ham yeghi lo kupokichemi shive.

BOTHUBO 47:27

Ikehu Israel ye Egypt lo Goshen yeghi lo küghünave. Eno panongu ye tile amheghi ala shiluve, eno athi pithilu no shishe kughuko luve.

BOTHUBO 47:12

Joseph no pa pu, pa thiküzümi, eno papu kibolomi kümtsü lau, panoqo tianuli kikihi kiqi lono achuqupu tsüe.

BOTHUBO 47:6

Egypt yeghi ye o zülo ani. O pu eno o thiküzümi pelo ayeghi akiviu lo ngove pelo. Panoqo pelo Goshen yeghi lo ngove pelo, eno tsala panoqo dolo shitsami aghi aye, I tsü-aqu jukuto kepushi panoqo süsülo.”

BOTHUBO 46:7

Pa gholo pa nuli eno atilimi, pa ngaqo eno atilimi ishi pa tikughuko kümtsü pa no sasü Egypt lo ighive.

ZAKINIU 23:8

Tiqheli aküthüu nguno hulauye pano kughukomi ghi Ampeu hoho lo iloghilu nani.

KUKAMI ATUGHIU 11:25

Pa ye Solomon küxü tivilo Israel ghümi shiche, eno Hadad toi pa ghi Israelmi ghüza cheke. Pa ye Syria lo ayepe eno Israel mithi cheke.

EZRA 9:12

Tighenguno nongu ngaqo pesü pano puqo tsü kevi, momu pano ngaqo pesü nopuqo tsü kevilo, eno khilemu pano lokughuno momu küakini phu kevilo, tishianguno nongu ye mtotoi luno ayeghi lo akivi chulu nani eno pülhapuju no tianuli ghenguno amheghi lakhi shi qhitsülu nani.’