ZAKINIU 20:1 - Sumi Naga CL (Re-edited) Bible (BSI)

¹ “Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

BAIBEL (BSI)

¹ “Nonguno noghumi sasu aghu shiniye wukelo nonguno aghushikulu ngo khurshi eno ghushimi nowu akeu nguno alau kumzapu ithulu keulo nonguye tipaqo musa kevilo. AMPEU nongu Lhou, Ijip lono nongu xaphelu keu huno nongu gholo ananike.

ZAKINIU 20:1 Referans Kwoze

ZAKINIU 31:8

Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

LESHELE 20:7

Khami no khurkulu eno khami no khurshi shou pükhübe cheni, ikemu ningu ye Ampeu ni Lhou shou pükhü cheni.

ZAKINIU 31:6

Akumto shilo eno amlo loghilo, panongu msa momu juighü kevilo, kughengu Ampeu nongu Lhou no nongu sasü chenani. Pa ye nongu phevemo momu qhivemo nani.”

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

LESHELE 118:6

Ampeu ye I küdau ani; ni ye msamoe; timi no I lau kiu shikulupu kea?

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

XAKUTHAMI 6:12

AMPEUw kungumi no pa lau ipeghi no pi, “Ampeu no o gholo ani, O, aghü kivimi.”

YEKIKITHI AKINIU 20:12

O ni Lhou, No ye panongu shou xakütha puku tsümo keshea? Kughengu hi aqokitikhi kije ni leniye chekemi zülo ningu ye aküka kühavae. Ningu ye kiu shikepu keno mthavae, ikemu ningu ye O lau ju anie.”

JOSHUA 11:9

Ampeu no azah tsüke toi Joshua no tishive: pa no khurshiqo pukhu micheve tsüno khurkulu pitive.

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

ZAKINIU 2:7

Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

ZAKINIU 7:18

panongu msa kevilo, ikemu Ampeu nongu Lhou no Egypt lo Pharaoh ngo paw timiqo lau kiu shikeno kümsülu lo.

ZAKINIU 20:2

Nongu no aghüshiqa kupunuve kelo, achineu no azüu ighi no ghüshimi vilo ishi pini,

ZAKINIU 20:3

‘Inilo, O Israel, ishi tsala lo nongu ye aghümi sasü küpüghü nike cheni, amlo loti kevilo. Msa kevi, amlo hauve kevi momu pano jukichive kevilo,

SAMUEL ATUGHIU 17:32

David no Saul vilo pi, “Pa ghenguno timi khumu amlo save kevilo. O qeu no wuni eno Philistiami hipau sasü kichighini.”

YEKIKITHI AKINIU 20:15

Pa no pi, “Judah timi kümtsü, Jerusalem lo küami, eno Akükau Jehoshaphat, inilo: Ampeu no ishi piani, ‘Msa kevilo eno hi aqokitikhi kije jupe aghüthisü kevilo, kughengu aghüshi ye nonguw kumoe ikemu Alhouw ke.

LESHELE 23:4

I no akithi yekükhü khila hechewu namu ni ye alhoksa kiumu msamoe, kughengu Nono I gholo ani; O küsü eno O qheküsü no I lokughuno tsü cheni.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

AKIKIHI 10:9

No yeghi lo aghümi khunono nongu qhasü cheni keno, nongu no tipaqo sasü aghü küpüghüni kelo afuko ikhonhei igha no kütüghüni, tishianguno Ampeu nongu Lhou no nongu kümsülu eno no ghümi launo xalu nani.

ZAKINIU 1:29

Tileno I no nongu vilo pi, ‘Timi tipaqo jumsa kevilo.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

XAKUTHAMI 6:16

Ampeu no pa khochile, “Ikemu I no o gholo anani, eno timi lakhi heqhi akeshi nono Midianmi kümtsü heqhive nani.”

YEKIKITHI AKINIU 14:10

Asa no pa mjonike wuno Mareshah lo Zephathah Khila lo kithepe ngoluve.

LESHELE 46:8

Ighilo, Ampeu kümla julo, Pa no kishi ayeghi lo küghüküghalei süghi kela!

JEREMIYA 16:14

“Tighenguno, julo, Ampeu no asheshu, timiqo no, ‘Ampeu xüküau no Egypt yeghi lono Israelmi saipeghi,’ ipi moveni keu tsala cheni,

ZEKHARIA 10:5

Panongu ye aghüshi lo aghütomi toi nani, alaghila lo aniba lono aghümi nedaqhi nani; Ampeu no pano gholo ani kehu panongu no aghü shino khurghüshimi shikukujo nani.