ZAKINIU 2:29 - Sumi Naga CL (Re-edited) Bible (BSI)

²⁹ I no Jordan kathasü Ampeu ni Lhou no tsü akeu yeghi lo ilo moke kutolo Esau lagha no Seir lo, eno Moabmi no Ar lo pulotsü ketoi shitsülo.’

BAIBEL (BSI)

²⁹ tiye ninguno Jordan kathasu AMPEU niLhou no nitsu akeu yeghilo ilomoke kutoloke. Edom lo Esao polo kughukomi akeqo eno Ar lo Muabmi akeqono pano ghakhu kathasu wupenikeu pulovetsuke.’

ZAKINIU 2:29 Referans Kwoze

AKIKIHI 20:18

Ikemu Edommi no khochile, “Nongu ye ni ghakhu kathasü wumlae, tikumo aye nino azütakikihi pesü nongu le nani.”

ZAKINIU 25:15

Kuchou eno achipi kimghitu peni, tishianguno Ampeu nongu Lhou no tsü akeu yeghi lo nongu ye axüshulu nani.

ZAKINIU 9:6

“Tighenguno hi ithilo, no mikucho ghenguno Ampeu no aghüma yeghi hipau nongu tsü anie pi kümsü kevilo, kughengu nongu ye kuthovi kemie.

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

ZAKINIU 4:21

Tinguno alau, nongu ghenguno Ampeu no I shou amloideve no I pelo Jordan katha iku amheghi shi nongu tsü akeu yeghi kivi lo ilopemo nike tushoqhive.

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

ZAKINIU 2:9

Ampeu no I vilo pi, ‘Moabmi sasü aghüshi kevilo, kughengu I no Ar pesü Lot mheghi shitsü kehu Ni ye pano yeghi kitilamu nongu tsümo nani.’

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

BOTHUBO 19:37

Anoghiu no anu lakhi punu eno pa je Moab kuvetsü. Pa ye itehi Moabmi pasü ke.

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 23:5

Ikemu Ampeu nongu Lhou no Balaam tsa initsü moe; Tishinike züqhulo Ampeu nongu Lhou no ghukusho pesü kükümgha lo süve tsüe, kughengu Pa no nongu kimiye ke.