ZAKINIU 19:15 - Sumi Naga CL (Re-edited) Bible (BSI)

¹⁵ Thopiu lakhi shepe likhi ye pimive keu no kiukiu shi püaghimu luzülae. Akipimi tsükulupu ghenguno akimkheu no thopimi kini momu küthü aghi masae.

BAIBEL (BSI)

¹⁵ “Thopiu lakhi shepe likhiye heqhibuqhive keulo akipimi tsuni keu luzulake; timi lakhiye kuquve akepi mutsumishei shitsulu nikeuye akimkheuno thopi shinikemi kini avehupu shi ani.

ZAKINIU 19:15 Referans Kwoze

AKIKIHI 35:30

“Milakhi no kütami pithive aye, timi hekiqhiu ye thopimi shepe vecheo pithiveni. Ikemu khumu thopimi lakhi shepe lono pithi moni.

2 Kor. 13:1

Hi ghuthu aküthüu ni ye nongu lau cheni. Ngukukile keu kümtsü lo thopimi kini momu küthü no ashepe shitsü masae.

ZAKINIU 17:6

Thopimi kini momu küthü shepe lono khuu no akipimi shive keno, tipau pithive lo; thopi lakhi vecheo likhino timi pithi moni.

IBRIMI 10:28

Khukhumu Moses Yezah hebide keu ye mikini momu küthü no thopi shikeu lono kiumu kimiyeqhiyi mono pithive cheke.

MATTHEW 18:16

Ikemu pa no o tsa ini tsümo aye, o gholo milakhi kini sawulo, tishianguno ngukukile keu kümtsü mikini momu miküthü vecheo thopi shipeni.

1 Tim. 5:19

Timi kini momu küthü no thopi tsüke thiuno kumo aye kichimi shou ngukube keu tsa ikhilutsü kevilo.

John 8:17

No Yezah lo mikini no thopi shikeu no kuchoue pi yepüani.

KUKAMI ATUGHIU 21:13

Eno küsaküghami kini no ighi no pa zülono timiqo küa lono Naboth nguku, “Naboth ye Alhou ngo akükau ghushovae.” Ikehu panongu no pa sasü aphughi khalau ipe no atu pesü veqhive.

KUKAMI ATUGHIU 21:10

Eno küsaküghami kini pesü pa zülo küghüqa no pama pelo pa nguku pelo, ‘No ye Alhou ngo akükau ghushovae.’ Tishino pa sasü aphughi khalau ipe no atu pesü veqhive lo.”

John 7:51

“Ni yezah loye atüghüshi timi lakhi launo chilu eno pa no mlakeu phuju mphi lono pa shou küghatha cheni keshea?”