ZAKINIU 17:3 - Sumi Naga CL (Re-edited) Bible (BSI)

³ kütau lhou qeuve eno mllauve no I no lakha chekeu khetsünhe, aqhi, momu ayepuqo mllauve aye,

BAIBEL (BSI)

³ ti kutau lhou mlla eno qeuve momu tsukinhe ngo aqhi momu ayepuqo mlla eno qeuvekeuke eno AMPEU no ahza tsukeu hebide anike.

ZAKINIU 17:3 Referans Kwoze

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 19:5

eno Baal lau qhemghai ke-a shiqhe puku no pano nuliqo ami lono piti pe Baal mlla niye shike, hi ye I no azah tsümo keu momu I kükümsü lomu iloghimo keu,

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

BOTHUBO 2:1

Ikehu atsütsü ngo ayeghi, eno tilehi akeu kümtsü mlaqhive.

IPEKULU 22:20

“Khukhumu Ampeu lau likhi kumo aye, alhou kütau lau aghashi keu ye kütsaveni.

ZAKINIU 17:4

nongu no hi chilu kelo tsaqüi kighinikile juni, eno tsala tino kuchou shive aghi eno aphikümqhüpu hitoike Israel lo shive aghi aye,

ZAKINIU 11:16

Nongu mlo pishiqhive nosa, eno tsüghüsü kütau lhouqo mlla eno qeuve nosake kutokupui lo;

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”