ZAKINIU 16:14 - Sumi Naga CL (Re-edited) Bible (BSI)

¹⁴ Nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

BAIBEL (BSI)

¹⁴ Notianuli noqemi, Levi laghami,inaghami, mighimgha eno chimemi nowu taunlo akemiqo sasu alokivi shilo.

ZAKINIU 16:14 Referans Kwoze

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

1 Thes. 5:16

Alhokuthu alovilo,

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 30:29

Akimthe tiqhetini ikhiluke ji lo toi nongu no alovi ale phe nani, eno milakhi no Ampeuw naghuto lo, Israel Tuqu lau fulili ighasü iqho cheke toi, nongu no amlo qiqhiyi nani.

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

ZAKINIU 26:11

Ampeu nongu Lhou no thokha akivi pesü tsüke ghenguno nongu eno no kibolomi, Levimi eno kachenami no gholo akemi sasü alovilo.

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 14:29

Aphughi lo Levimi ye pano mheghi küha kehu panongu eno kachenami, mighimi, eno chimemi pelo ighi no tipaqo chuno aghaqilu pelo, tishianguno Ampeu nongu Lhou no nongu kümla thokha kümghatsü nani.

ZAKINIU 16:15

Ampeu nongu Lhou no Pa je ghenguno kishetsü ke-a lono tiqhetini hipau atsala tsüni ikhilu lo, kughengu nongu pelo alovilu penike Pa no nongu luche eno nongu kümla thokha lo kümgha tsü nani.

ESTHER 9:22

ti ye Jewmi no aghümi launo akulhoqhilu keu tsala, panongu mloghime pesü alokivi shilu keu, eno amloksa lono akulhokiqhi ithulu keu tsala shi ghi panongu pelo aghulhu eno alokivi shilu, achuqupu pesü kumlhomi lau eno lakhino lakhi lau tsükilelu peniye ke.

JOYIL 1:16

Ningu nhethe lono achuqupu süwuve, eno Ampeu ki lono alokivi ngo amloqi qhiyi keu ikhipe wuve tsüake kumo?