ZAKINIU 16:11 - Sumi Naga CL (Re-edited) Bible (BSI)

¹¹ Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

BAIBEL (BSI)

¹¹ AMPEU gizulo notianuli, noqemi, Levi laghami, inaghami, mighimghami eno chimemi nowu taunlo akemiqo sasu alokivi shilo. Hipauye ti akumlla-a lakhi lono shilo.

ZAKINIU 16:11 Referans Kwoze

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

ZAKINIU 12:18

ikemu tipaqo ye nongu eno no tianuli, no qemi eno Levimi no phughi lo akemi sasü kümtsa Ampeu nongu Lhou no kishetsü keu-a lo wuno Pa zülono chuni. Tishino nongu ye thokha ghenguno Ampeu nongu Lhou zülono alovini.

FILIPIAMI 4:4

Alhokuthu Ampeu lono alovilo, I no itaghi pini: alovilo!

2 Kor. 1:24

Nino nongu küpülü qhasüpe anike kumoe, ikemu nongu lokivipu ghenguno nino nongu sasü mlaitha cheni, kughengu nongu ye aküpülü lo mtotoi acheni ke.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

HABAKUK 3:18

ni ye Ampeu jupe alovi nani; I xakulu Lhou lau I no alovini.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

ZAKINIU 16:14

Nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

IPEKULU 20:24

Ayeghi no shikeu kiptia I ghenguno mlalo eno akipti kümllagho ngo külakishi kümllagho, nongu mbe ngo amshitsü tipau lono aghashini. I je kümsülu penike I no kishetsü ke-a lo nongu lau ighi nani eno nongu kümghatsü nani.

ZAKINIU 14:29

Aphughi lo Levimi ye pano mheghi küha kehu panongu eno kachenami, mighimi, eno chimemi pelo ighi no tipaqo chuno aghaqilu pelo, tishianguno Ampeu nongu Lhou no nongu kümla thokha kümghatsü nani.

ZAKINIU 16:10

Tishino Ampeu nongu Lhou lau Ghile Pine ikhilu keu shi Ampeu no nongu kümgha tsükeu pesü nongu u lono pulokini kümllagho tsülo.

ZAKINIU 26:11

Ampeu nongu Lhou no thokha akivi pesü tsüke ghenguno nongu eno no kibolomi, Levimi eno kachenami no gholo akemi sasü alovilo.

ZAKINIU 12:5

Ikemu Ampeu nongu Lhou no Pa je ghenguno eno Pa kungo-a shikepu nongu shiaye yeghi lo khile kisheni keno nongu ti phuni, eno tilau wuni.

JOYIL 1:16

Ningu nhethe lono achuqupu süwuve, eno Ampeu ki lono alokivi ngo amloqi qhiyi keu ikhipe wuve tsüake kumo?