ZAKINIU 14:21 - Sumi Naga CL (Re-edited) Bible (BSI)

²¹ “Pakutoshi no thive keu lhoxü thaqhü ye chumoni. Tipaqo ye kachenami no gholo xüakemi no chuvepe, momu inaghami vilo jevelo. Kughengu nongu ye Ampeu nongu Lhouw akimthe timiqo ke. “Aneti shi pesü aza kichhizü lono lho kevilo.”

BAIBEL (BSI)

²¹ “Kiu kiu lhoxu namu pakithi thivekeu chukevilo. Inaghami nongu gholo xuache kemi pelo chupelo momu nonguno inaghami kutami vilo jeluve nani. Ikemu nonguye AMPEU Alhou wu timike; nonguye pawu timiqoke. “Bheriti momu aneti shi pesu tipau aza kichhizu lono lhokevilo.

ZAKINIU 14:21 Referans Kwoze

IPEKULU 23:19

“O yeghi lo xathi amsüu akiviu pesü Ampeu o Lhou kilo süghilo. “No ye aneti lakhi pesü paza kichhizü gholono kumqho moni.

IPEKULU 34:26

Ayeghi lo pekighi amsüu akiviu pesü Ampeu nongu Lhou kilo peighi lo. Nongu ye aneti pesü tipau paza kichhizü gholono lhomoni.”

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ACHINE 22:8

Pa ye lhoxü akutoshi no thive keu momu tüghashi no tsüve keu shi chumoni; tino pa pelo mithe move peni ake: Ni ye Ampeu ke.

ACHINE 17:15

Khukhumu lhoxü thive keu momu tüghashi no heqhive keu chuve aye, Israelmi na inaghami namu azü kuchhuve no aphimini ishiveni, eno avela kutolo mithemo niae; tithiu no pa ye mithelu nani.

EZEKEL 4:14

Tileno I no pi, “Aha Ampeu Alhou! Julo, ni ye khilemu ni ampi shikitiqe mphie. I lhothe lono itehi kutolo ni ye khilemu pakutoshi no thive keu momu tüghashi no tsüve keu chuju mphi momu shikitiqe keu shi I kichi lo sümphie.”

1 Peter 1:16

kughengu ishi yepüani: “Nongu ye akimthe shilo, kughengu Ni ye akimthe ke”

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Apostolmi 15:20

Ikemu panongu lau yesü yepuwu no ajulho kümlla chuqupu, asalha, tshükiqhi lhoxü, eno aji mithekumo hipaqo lono putosüve pe kepue.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

DANIEL 8:24

Pa küka ye kije shi nani—ikemu pa kumto lono kumoe; pa no akümsapu kütsakungo süghipe nani eno pa no kiu shini keno tolu nani, eno akumtomi ngo akimthemi kütsa nani.

IPEKULU 19:6

eno I ghenguno nongu ye achinemi kükaqha lakhi eno akimthe shiye shi nani.’ Nono Israelmi vilo pini keu tsa ye hipaqo ke.”

ACHINE 11:40

eno khukhumu tipau shi chuve aghi, momu tipa kithi kumo pecheghi keu ye aphimini ishiveni eno avelau kutolo mithemo niae.

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

ZAKINIU 14:20

Achishibo kupu tikha-ninga mqhamqhi keu lhoxüqo ye chulu nani.

EZEKEL 44:31

Achinemi ye aghau momu tüghashi pakutoshi no thive keu momu tüghashi no tsüqhive keu kiumu chumoni.

IPEKULU 22:30

O mishitsü ngo o mbeqo ghi titoi shini: atsala tsüni aza gholo ngoni eno atsala akütacheu lono I lau ikhiphe tsüveni.