ZAKINIU 12:7 - Sumi Naga CL (Re-edited) Bible (BSI)

⁷ Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

BAIBEL (BSI)

⁷ Tilau AMPEU Alhou no nongu kumghatsu keu gizulo no kibolomi sasu mlalukeu thime kiviqo chuno aghakiqi shilo.

ZAKINIU 12:7 Referans Kwoze

ZAKINIU 12:18

ikemu tipaqo ye nongu eno no tianuli, no qemi eno Levimi no phughi lo akemi sasü kümtsa Ampeu nongu Lhou no kishetsü keu-a lo wuno Pa zülono chuni. Tishino nongu ye thokha ghenguno Ampeu nongu Lhou zülono alovini.

ZAKINIU 14:26

eno no pulou lono pisa tipau peitha lo, amishi momu ambe shi, atsaiji momu aji kümka lono puwolo. Eno Ampeu nongu Lhou zülono nongu eno no kibolomi sasü kuchu-kusho shino alovilo.

ACHINE 23:40

Tipani nongu xathibo lono axathi akiviu hami xoni, amsabo loka, asüminipho loka, eno tsüzüsü loka pesü Ampeu nongu Lhou zülo atsala tsüni alovini.

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

FILIPIAMI 4:4

Alhokuthu Ampeu lono alovilo, I no itaghi pini: alovilo!

ZAKINIU 27:7

tileno külakishi kümllagho pesü tsüno tilehi no chulo, eno Ampeu nongu Lhou zülono alovilo.

ZAKINIU 15:20

Ampe atsütsü Ampeu no kishetsü ke-a lono no kibolomi sawo Ampeu zülono chulo.

ZAKINIU 14:23

Ampeu nongu Lhou no kishetsü ke-a lo Pa zülono now athi, atsaizü, eno thazü lo chighi saje, eno amishi ngo ambe piti tüghüu pesü chuni, tishikeu lono nongu ye alhokuthu Ampeu Alhou sümsa nani.

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

MALAKI 2:13

Thime akiniu hipau nongu no shi ani. Nongu no ighamku eno qakeu nhezü kipiji vecheo Ampeu kümlla khache pütsü cheni, kughengu Pa no nongu kümllagho kihi tsüamo momu nongu u lono kimiyeqhiyi ti ikhilutsü amovae.

ISAIAH 23:18

Li no kimje kelono ala shilu keu eno li jume ye pekütsü momu kike mono akimthe shi Ampeu tsü nani. Khunono Ampeu nhethe lo acheni keno, tipau pesü pano chuqupu ngo aphimini kivi kupukuno shi qhütsü nani.

ZAKINIU 26:11

Ampeu nongu Lhou no thokha akivi pesü tsüke ghenguno nongu eno no kibolomi, Levimi eno kachenami no gholo akemi sasü alovilo.

ZAKINIU 12:8

“Itehi ningu no pütüta no kiu achipie pi kümsü ani keno titoi xüake toi tilau ye tishimo nani,

ZAKINIU 28:47

Nongu no alovi eno amloqi qhiyi Ampeu qemo kehu, nongu no thokha thime pofushi auve kehu,

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

YETSAPIU 3:12

I no pimhelu keu no timi ye xüake tivilo alokivishi eno akivi kümla shikeu nguno akiviu kiumu kühae;

YETSAPIU 3:13

itaghi kümtsü no chusho no pütüta kümlapu lo alokiqipu shimasae. Hi ye Alhou no timi tsükeu gho ke.

YETSAPIU 5:18

Julo, I no kiu phulu keno hike; thime kümtsü nguno akiviu timi no shi kepushi akeu ye Alhou no aküxü ikhonhei pa tsü püake dolono chusho no pa no mlalu keu lo aghaqilu kepue; kughengu hi no pa sajeke.

JOYIL 1:16

Ningu nhethe lono achuqupu süwuve, eno Ampeu ki lono alokivi ngo amloqi qhiyi keu ikhipe wuve tsüake kumo?

JOYIL 2:26

“Nongu no kupukuno shi chuno aghapiqilu nani, eno Ampeu nongu Lhou khuu no akümzapu shi nongu lau mla keno, Pa je sheqhe nani. Eno Iw timi ye khilemu shikukujo kitheve monani.

YEKIKITHI ATUGHIU 29:22

Tipa tsalani Ampeu zülono panongu no shishe alokivishi chushove. Tishino panongu no David nu Solomon pesü akükau shi ghuthu akiniu veküpha, eno Ampeu ghenguno yepeu kepi pa nukishe, eno Zadok pesü achineu shive.

ISAIAH 62:9

ikemu khunono yisü keno ti chunani eno Ampeu sheqhe nani, eno nongu atsailu chikemi no ti pewo Iw akimthe chineki lono sholu nani.”

EZEKEL 44:3

Kükapuu likhi no tile iqa no Ampeu zülono asho chunani. Pa ye khagho ikulo lo achebo akeu küdau no ilo nani, eno tipau laghi lono ideipe nani.”