ZAKINIU 11:9 - Sumi Naga CL (Re-edited) Bible (BSI)

⁹ eno Ampeu no nongu puasüqo eno pano polo kughukomi tsünike tushoqhi keu akichhizü ngo akhingozü no qowu akeu yeghi lo axüshulu nani.

BAIBEL (BSI)

⁹ Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

ZAKINIU 11:9 Referans Kwoze

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

ZAKINIU 6:2

tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

AHOLE 10:27

Ampeu sükümsa no axüpushu tsü cheni, ikemu kixikilami küxü ye ghitha kughukhove tsü cheni.

AHOLE 9:11

Nongu küxü mpe ye I vecheo küghüsülu eno küphalu nani.

AHOLE 3:16

Axükushu ye li u ajeu ani; eno kinikülü ngo agigihupu no li u piyiu ani.

AHOLE 3:2

kughengu tipaqo no o küxü lo atsala, ampe kutomo eno aloino keu küphatsü nani.

ZAKINIU 6:18

Ampeu zülo kiu no achipi eno alo keno ti shilo, tishianguno nongu kivipu shinani, eno Ampeu no nongu puasüqo tsünike tushoqhi keu aghüma yeghi lo ilo no pükhalu nani.

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

ZAKINIU 8:7

Kughengu Ampeu nongu Lhou no aghüma yeghi lo nongu sailoni cheni, ayeghi tipau ye aghoki eno azüpuki akeu eno ayeghi qhou züpuki no akhila ngo naghuto lono ipeghi anie;

ZAKINIU 11:10

Kughengu nongu no iloni ye akeu yeghi ye nongu no achekeu Egypt yeghi toi moke. Tilau ye aghutu toi apiti yisüve kethiu azü sünike aka-ave shiche.

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 6:3

Tighenguno, O Israel, inilo, eno pükapütsa pelulo, tino nongu kivipu shilu nani, eno Ampeu ni puasü Lhou no tushoqhive ketoi, nongu ye akichhizü ngo akhingozü no qole akeu yeghi lo shishe ikowolu nani.

ZAKINIU 11:21

tishianguno ayeghi no atsütsü qholo ake kutolo, nongu eno no tianuli ye Ampeu no pano puasüqo tsünike tushoqhi keu yeghi lo axüshulu nani.